DILI: Iha tempu besik, Tribunál
Kontas sei finaliza prosesu auditoria ba mega projetu Zona Espesiál Ekonomia
Sosiál Merkadu (ZEESM) ne’ebé implementa iha Rejiaun Autónoma Espesiál Oekusi-
Ambenu (RAEOA).
Pedidu husu auditóriu ne’e rasik
aprezenta husi Eis Primeiru Ministru VII Governu, Mari Alkatiri hodi buka
hatene transparénsia servisu ZEESM nian.
Prezidente Tribunál Rekursu,
Deolindo dos Santos ekipa ne’ebé tribunál forma hodi analiza ba pedidu
governu nian halo tiha ona relatóriu sei finaliza iha tempu besik.
Deolindo dehan, prosesu ne’e
auditóriu ba mega projetu ZEESM ne’e hahú kedas iha tinan 2015, 2016 no 2017
nian.
“Projetu ida ne’e (ZEESM), ami
tenta para desizaun sai mós iha tempu badak nia laran, tanba ida ne’e
la’ós prosesu ida rua de’it maibé, prosesu Kamara de Kontas nia mós prosesu iha
tinan 2015, 2016, 2017 nian sei iha, entaun ami presiza hare buat ne’e
para organiza ho di’ak atu nune’e desizaun ne’e bele sai lalais,”
informa Prezidente Tribunál Rekursu Deolindo ba jornalista jornalista
foin lalais ne’e.
Nia dehan, prosesu auditoria ne’e
hala’o tenke halo analiza kle'an hodi haree prosesu hotu- hotu tuir legalidade
no iha prosesu balun sei pendente tanba sei haree ninia lalauk hodi foti
desizaun.
“Prosesu pendente iha kamara de
kontas nian mak sanulu resin (10) resin ne’ebé auditóriu la’o iha tinan
2015,2016,2017 atu bele finaliza ona, planu ne’e iha tinan 2018 aprova
ona entaun planu ne’e rasik presiza tribunál fó prioridade ba kazu
ne’ebé pendente, tanba kazu 10 resin ne’ebé konklui uluk tiha lai,
depois mak sei planu ne’ebé iha kontas, inklui mós pedidu sira ne’ebé mai husi
governu,”tenik presidente.
Nia dehan, relatóriu ne’e
bainhira halo remata ona, sei aprezenta ba governu inklui autoridade ZEESM.
Martinha Gusmão | Independente
Sem comentários:
Enviar um comentário