Samuel Prontu Troka Xanana

DILI: Atuál Diretór Ajénsia Dezenvolvimentu Nasionál (ADN), Samuel Marçal prontu atu lidera kargu Ministru Planeamentu Investimentu Estratéjiku (MPIE) hodi substitui fatin, Kay Rala Xanana Gusmão nian.

Samuel dehan, hanesan Timoroan nia iha responsabilidade morál atu lidera MPIE hodi hare ba prosesu dezenvolvimentu iha Timor-Leste.

“Ba se-se de’it atu ba serbí nia rain no povu ita, sempre prontu tanba ne’e responsabilidade,” informa Samuel ba jornalista iha Parlamentu Nasionál foin lalais ne’e hafoin hasoru malu ho Komisaun E Asuntu Infraestrutura.

Samuel rasik hetan kontaktu husi maun boot Xanana nomeia nia lidera MPIE, tanba Xanana sei fokus ba servisu luta ba tasi Timór nian.

Maski nune’e, Samuel mós  sei hein hela desizaun husi Prezidente Repúblika, Francisco Guterres Lú Olo hodi.

Nia hatutan, atu lidera MPIE nia sei la servisu mesak, maibé sei koordena ho ekipa inklui liña ministériu tomak atu fó apoiu servisu ba malu hodi hetan rezultadu servisu ne’ebé di’ak tuir tarjetu governu nian.

Samuel rasik too agora sei hein hela sei hein hela desizaun Xefe Governu Taur Matan Ruak no Xefe Estadu nian atu bain hira mak fó pose nia prontu hein hodi hala’o nia knaar tuir konstituisaun haruka.

Antes ne’e, Vise Presidente Bankada CNRT, Patrosinu Fernandes hatete, kandidatura membru governu na'in sia ne’ebé sei pendente hela husi Presidente Repúblika ne’e nain hitu husi CNRT tanba ne’e ba Presidente CNRT nia fatin ba MPIE ne’e mai husi kuadru CNRT rasik mak tenke asume.

Jacinto Xavier | Independente