DILI, (TATOLI) – Governu
liuhosi Sekretáriu Estadu Komunikasaun Sosiál, Mericio Juvinal dos Reis Akara,
hateten tau esperansa ba Prezidente Repúblika, Francisco Guterres Lú Olo, hodi
promulga proposta lei Orsamentu Jerál Estadu (OJE) 2018 ho montante billiaun
$1.2 iha tempu badak.
ʺAmi
espera Prezidente Repúblika nu’udar aman ba Nasaun hatene didiak ita nia
problema no realidade, nesesidade Estadu nian espera promulgaʺ, espresa governante ne’e ba jornalista sira
iha Palásiu Governu, ohin.
Tuir Akara bainhira promulga ona,
governu sei aselera prosesu pagamentu ba divida Estadu, garante funsionamentu
makina Estadu no prioridade Governu ba prosesu dezenvolvimentu.
ʺAmi
fiar prezidente promulga hodi hakotu impase polítika, liuliu hakotu dependénsia
ba orsamentu duodésimuʺ, tenik tan.
Governante afirma bainhira Xefe
Estadu la promulga fó implikasaun ba destinu Nasaun, tanba impede funsionamentu
makina Estadu.
Maibé nia lakohi interven
desizaun Xefe Estadu. ʺNe’e la’ós ami
nia kna’ar, maibé Prezidente nia kna’arʺ,
realsa.
Jornalista: Agapito dos Santos | Editora:
Rita Almeida
Imajen: Sekretáriu Estadu
Komunikasaun Sosiál, Merício Juvinal dos Reis Akara. Foto Egas Cristovão
Sem comentários:
Enviar um comentário