Lista Pendente, Laiha Razaun Fundamental Troka Kandidatu

DILI – Relasiona ho lista kandidatu membru Governu nain 9 nebe mak Prezidente Republika sei pendente hela, husu atu substitui, maibe governu nafatin mantein pozisaun sei laaltera ema ida husi lista neebe aprezenta ona.

Informa Ministru Reforma Lejislativa i Asuntu Parlamentar, Fidelis Magalhaes, kona ba lsita pendente nain 9 seidauk simu pose nee, Primeiru Ministru nafatin ho pozisaun i neim altera ema ida husi lista  kandidatu neebe mak aprezenta tiha ona. Neebe governu liu husi PM sei  mantein nafatin lista sira nee hein  nafatin.

Signifika governu seidauk simu razaun fundamental husi Prezidente Republika Fidelis dehan,  governu liu husi PM mantein pozisaun, hodi lao ho lista neebe mak iha. Neebe hau hanoin PM rasik hatete bei-beik tanba governu haree hotu ba argumentu politiku no juridiku, too konkluzaun katak laiha razaun atu troka kandidatu sira neebe mak aprezenta ona,” katak Fidelis ba jornalista bainhira hasoru malu primieru ministru ho PPN iha gabinete PN Sesta (14/09/2018).

Nunee mos  Prezidente PN Arao Noe Kinta  nee hatete, kestaun nee ema hotu preokupa, tanba orsamentu aprova ona, hein PR seidauk promulga, I promuoga mos nia impaktu sei iha tanba Miniteriu balu sei mamuk, sa tan ministeriu sira neebe mak signifikante tebes, tanba nee ema hotu preokupa laos nia  mesak, maibe ida nee desizaun orgaun soberanu seluk PR nian. 

Notisia kompletu lee iha jornal STL edisaun Segunda (17092018) 

Guilhermina Franco | Suara Timor Lorosae

Imajen: GMNTV