Mane na'in rua ne'ebé akuzadu
tanba divulga eskuta ilegal sira australiana ba Governu timoroan hahú
julgamentu iha loron-kuarta ne'e hosi tribunal Canbera, kapital Australia nian,
julgamentu ne'e hahú no la iha prezensa hosi arguidu sira.
Sira na'in rua ne'e hanesan
antogu espiaun 'Sasin K' no ninian advogadu, Bernard Collaery.
Iha sesaun dahuluk, prosesu ne'e
hare ba tratamentu ne'ebé sei fó ba kestaun seguransa nasional, ho avansu kazu
ne'e iha tribunal sira,ne'ebé maka parte rua ne'e afirma katal sei koko atu too
akordu ida antes aprezentasaun, iha fulan Outubru, avansa hosi kanal televizivu
australianu ABC.
Sesaun loron-kuarta ne'e loke ba
publiku, maibe prokurador-jeral federal sei husu atu prova sira barak aprezenta
iha privadu, durante julgamentu ne'e.
Eis-espiaun no advogadu ne'e sei
hetan kastigu másimu tinan rua iha prizaun se karik konsidera sira hanesan
kulpadu hosi tribunal.
Iha tribunal kapital australiana
nian liur, ne'ebé maka halao sesaun dahuluk, manifestante sira barak husu ba
Governu federal atu levanta akuzasaun sira ne'e kontra suspeitu na'in rua ne'e.
Iha kauza maka kesar ida ne'ebé
hato'o hosi parte "Sasin K" ne'ebé fó sai kona-ba eskema eskuta
ne'ebé maka monta hosi serbisu sekretu australianu sira iha eskritóriu sira
hosi Governu timoroan nian iha Díli.
Eskuta sira ne'e karik monta iha
tinan 2004 hosi ekipa ida ne'ebé lidera hosi "Sasin K" durante obra
rekonstrusaun eskritóriu sira, ne'ebé oferese hanesan koperasaun umanitáriu
hosi Australia.
Tuir relatu sira, hosi eskuta
sira ne'e, Governu australianu hetan informasaun ne'ebé permite ajuda hodi
favorese intensaun australiana sira nian iha negosiasaun ho Timor-Leste ba
fronteira tasi no ba kontrolu zona Greater Sunrise nian, rezerva ida ne'ebé
riku ho petróleo no gás.
Tratadu ne'ebé tuirmai asina tiha
ona, hatudu katak nasaun ida-idak iha 50% ba área hodi explora, maske parte
ne'ebé boot rezerva ne'e halo parte iha teritóriu timoroan nian.
Kuandu iha koñesimentu ba
ezisténsia ba eskuta sira ne'e, Dilí halo kedas protestu ba tratadu ne'e no
aprezenta kesar ida kontra espionajen hosi Canberra nian iha Tribunal Arbitral
Haia, hodi argumenta katak akordu sira ne'e hanesan ilegal tanba asaun hosi
Governu australianu ne'e.
Timor-Leste hasai akuzasaun ne'e
hanesan asaun fiar ida, no iha fulan-Marsu 2018, nasaun rua ne'e asina tratadu
foun ida ne'ebé defini fronteira tasi permanente entre nasaun rua ne'e, no hodi
halo Timor simu 70% hosi reseita sira ne'ebé mai hosi esplorasaun Greater
Sunrise ne'e.
Dezde tinan 2002 maka "Sasin
K" ne'e la sai hosi Australia, hafoin operasaun ida ne'ebé organiza hosi
ASIO (serbisu sekretu australianu sira) hodi prende tiha dokumentu sira, inklui
mós passaporte.
Iha tinan 2016, sasin ne'e la
konsegue halo viajen to'o Haia hodi fó nia sasin, tanba Ministériu Negósiu
Estranjeiru australianu nega tiha atu halo fali nia passaporte foun.
Primeiru-ministru australianu,
Scott Morrison, hatete katak nia hein " sei iha justisa".
"Ami nian intensaun katak
buat hotu hodi ho forma ida ne'ebé maka permite katak sei iha justisa",
hatete Scott Morrison, iha deklarasaun ba jornalista sira balun antes hahú
julgamentu.
"Sei iha nafatin apoiu
Australia nian no serbisu konsular sira ne'ebé maka naran australianu ida bele
hein. Maibe iha tempu ne'ebé hanesan ami tenki respeita lei sira ami nian
viziñu nian no nasaun sira seluk", afirma, iha konferénsia imprensa ne'ebé
transmiti iha diretu hosi televizaun australiana sira.
Peter Galbraith, eis-diplomata
ONU nian ida ne'ebé hamutuk ho ekipa Timor-Leste nian ne'ebé hetan espionajen
iha tinan 2004, kritika Justisa australiana ne'e.
Iha deklarasaun ba jornal
britániku The Guardian, Galbraith konsidera akuzasaun ba mane na'in rua ne'e
hanesan asaun "vingativa ida no laiha sentidu", saida maka Austrália
tenki halo maka haluha tiha "epizódiu ne'ebé la'ós hanesan ezemplu
ne'e".
Galbraith insiste katak operasaun
espionajen kontra nia no funsionáriu sira seluk hosi Timor-Leste ne'e "hanesan
krime ida" tuir lei internasional.
SAPO TL ho Lusa
Sem comentários:
Enviar um comentário