DÍLI, (TATOLI) - Primeiru
Ministru, Taur Matan Ruak afirma, luta ba libertasaun nasionál, hakat liu ona.
Ohin loron hahú luta foun, ne’e mak; luta ba moris di’ak, tanba
ne’e ida- idak tenke ezerse ninia funsaun ho responsabilidade.
“Nee luta foun ida uluk luta ba
ukun aan agora luta ba moris di’ak, ukun aan lori mate no sakrifísiu barak mak
sosa no moris di’ak mós lori sakrifísiu barak mak sosa,“ Xefe Governu hato’o
mensajen ne’e durante komemorasaun tinan 43 proklamasaun indesénsia
unilateral 28 Novembru 1975-2018, iha resintu Parlamentu Nasionál Dili, ohin.
Taur Matan Ruak realsa, atu
atinje objetivu ida ne’e, jerasaun ida idak tenke kumpre ninia devér hodi kria
kondisaun atu jerasaun tuir mai hatutan.
Ida ne’e prosesu ida
jérasionál, kada jerasaun ida kumpre nia obrigasaun no devér hodi kria
kondisaun atu jerasaun seluk hatutan.
Governu sei esforsu atu aselera
prosesu dezenvolvimentu ba atinje moris di’ak sidadaun nian.
Iha okaziaun ne’e, Eis Presidente
Repúblika ne’e mós kongratula fundadór nasaun no povu sira tanba bele ultrapasa
funu hodi restaura hikas indesénsia iha loron 20 Maiu 2002.
Jornalista: Agapito dos Santos | Editór:
Manuel Pinto
Imajen: Primeiru-Ministru, Taur
Matan Ruak, ho eis PM, Mari Alkatiri, hafoin partisipa selebrasaun loron
FALINTIL ba dala 43 iha kuartel jerál Fatuhada. Foto António Goncalves
Sem comentários:
Enviar um comentário