Negosiante Feira La Hetan Rendimentu

DILI - Negosiante balun neebe partesipa iha Feria neebe organiza husi Ministeriu Turismu Comersiu Industria (MTCI), liu-liu diresaun komersiu neebe fasilita ona feria loron loron tolu ba negosiante sira atu faan netik sira nia produtu lokak.

Tuir Kordenador grupu Inan terus hadomi Feto, Adelina Freitas katak feria ida nee diak tebes, tanba involve mos grupu hotu hotu neebe hodi mai partesipa iha deria ida nee, hodi faan netik produtu balun neebe sira produs, tanba antes nee tuir ona formasaun husi governu atu produs produtu saida deit bele mai faan iha feria ida nee.

“Ami agradese tanba bain hira atu partesipa iha feria sira hanesan nee, ami tuir uluk ona formasaun husi MTCI durante fulan ida nia laran, treinamentu neebe ami hetan maka hanesan, atu suku pasta suku sinelus ho modelu tais, maibe problema neebe ami hasoru maka rendimentu ladun iha, la hanesan ho uluk,” dehan Adelina, ba Jornalista segunda (26/11/2018) iha Merkadu Lama Dili.

Nia mos afirma liu tan katak, maske produtu sira neebe faan iha nee tama ona modernizasaun maibe, rendimentu laiha tanba sosa nain sira la hakbesik aan mai hodi sosa netik buat ruma, kompara ho ukuk la hanesan tanba uluk nee rendimentu diak maibe agora ema ladun sosa.

Iha fatin hanesan koordenador grupu Veira Mar, Rosa Moreira Ratu hatutan, governu neebe organija loke feria nee mos la kria kondisaun neebe diak ba negosiante sira, liu liu fasilidade hanesan ahi no meza ba negosiante sira hodi tau sira nia sasan inklui la hetan rendimentu neebe diak. 

Notisia kompletu lee iha jornal STL edisaun Tersa (27112018)

Madalena Horta | Suara Timor Lorosae