DILI, (TATOLI) – Prezidente
Autoridade Rejiaun Administrativa Espesiál Oe-Cusse Ambenu (RAEOA) no Zona
Espesiál Ekonomia Sosiál Merkadu Timor-Leste, Mari Alkatiri, hateten Ró
Haksolok to’o agora seidauk mai
Timor-Leste tanba Empreza Atlántiku sei iha problema ho
sub-kontatór sira.
“Empreza Atlántiku mak iha
problema ho sub-kontratór sira, no agora nia sei iha situasaun finanseira ida
ne’ebé mak todan tebes, nune’e nia kontratu ona advogadu atu haree prosesu
ne’e,” Prezidente RAEOA, Mari Alkatiri informa hafoin partisipa iha
Komemorasaun 28 novembru loron Proklamasaun Independénsia Unilaterál ba dala
43, ba jornalista sira, ohin, iha Palásiu governu.
Nia relata prosesu halo Ró
HAKSOLOK to’o ona porsentu 75 no hela de’it porsentu 25 atu prontu hotu ona,
soke Timor-Leste sei hein desizaun hosi kontratór ho sub-kontratór.
Antes ne’e iha parlamentu
nasionál Deputada Bankada Partidu Kongresu Nasionál Rekonstrusaun Timorese
(CNRT), Albina Marçal Freitas preokupa ho Ró Haksolok ne’ebé to’o agora seidauk
mosu mai, maibé Prezidente Autoridade RAEOA, dehan sei iha prosesu nia laran
tanba problema entre kontratór ho sub-kontatór.
Ró HAKSOLOK rasik halo hosi
“Estaleiros Navais de Figueira da Foz Portugal”, ho kapasidade tula ema na’in
377 no viatura karreta 15 no Ro refere sosa ho folin hamutuk Euro millaun 13,7.
Jornalista: Zezito Silva | Editór:
Manuel Pinto
Imajen: Mari Alkatiri
Sem comentários:
Enviar um comentário