DILI, (TATOLI) - Sekretáriu
Estadu Ambiente (SEA), Demétrio de Amaral de Carvalho, hatete daudaun ne’e halo
hela esforsu hodi prepara prosesu hodi dezenvolve dekretu lei proibisaun ba
importasaun saku plástiku.
“Iha futuru ita sei proibida ema
atu importa saku plástiku ou plástiku uzu úniku, nune’e ha’u dezeju sosiedade
hotu iha Dili iha Timór laran komprende katak plástiku ne’e fó impaktu ba
ita-nia ambiente, ita-nia saúde, mikro plástiku tama iha ita-nia isin ne’e fó
impaktu boot tebes tanba ne’e mai ita hotu kuidadu ita-nia ambiente liuhusi
kombate plástiku iha ita-nia ambiente”, Demétrio dehan bainhira lansa plástiku
ne’ebé halo husi ai-farina iha Timor Plaza ohin.
Hatutan sobre dekretu lei ba
proibisaun ne’e, Sekretáriu Estadu dezeja iha tinan ne’e bele iha ona no
daudaun iha hela prosesu hodi hahú dezenvolve.
“Ita espera iha fulan balun nia
laran dekretu lei ne’e bele aprezenta ona ba konsellu ministru”, katak.
Jornalista: Maria Auxiliadora | Editór:
Manuel Pinto
Imajen: Sekretáriu Estadu
Ambiente (SEA), Demétrio de Amaral de Carvalho. Foto/António Gonçalves.
Sem comentários:
Enviar um comentário