DILI, (TATOLI) – Eis
Prezidente Repúblika, Jose Ramos Horta, fiar katak Prezidente Repúblika,
Francisco Guterres “Lú-Olo” sei promulga Orsamentu Jerál Estadu (OJE) 2019, se
lae mak ekonomia Timor-Leste monu no kontinua iha krize polítika nia laran.
“Ha’u fiar katak Prezidente
Repúblika sei promulga OJE 2019, importante orsamentu tenke liu, se lae mak ita
nia ekonomia monu no kontinua iha krize polítika,” Horta ba jornalista sira iha
Parlamentu Nasionál foin lais ne’e.
Tanba ne’e, kuandu Xefe Estadu
iha duvida karik tenke halo diálogu ho Primeiru Ministru, Kay Rala Xanana
Gusmão inklui Mari Alkatiri hodi esplika ba malu kona-ba sosa asaun
ConocoPhillips ho Shell atu orsamentu bele pasa. Nune’e ekonomia la’o ba oin
nafatin, povu bele moris di’ak, atu nune’e bele kria estabilidade iha ita nia
rai laran.
Enkuantu, Prezidente Repúblika
veta orsamentu, signifika la iha orsamentu ba dezenvolvimentu no ba povu nia
moris di’ak. Ida ne’e sei hamosu impaktu sosiál, impaktu ekonomia no impaktu
polítiku, maibé nia sei iha razaun atu esplika, tanba nia ema di’ak, la’ós
hakarak estraga nasaun, la’ós anti Xanana ho Governu.
Tuir Horta katak Prezidente
Repúblika ema ne’ebé mak rigorozu tebes hanesan ema ida uluk luta, estuda
mós direitu. Tanba ne’e atu asina mós tenke tetu didi’ak atu nia iha konfiansa.
Entretantu, Xefe Bankada Kongresu
Nasionál Rekonstrusaun Timorese (CNRT-Sigla Portugés), Duarte Nune’e espera
Xefe Estadu sei promulga orsamentu, atu Timor-Leste bele sosa asaun no povu
bele moris di’ak.
Jornalista: Zezito Silva | Editór:
Manuel Pinto
Imajen: Premiadu Nobel Dame 1996,
José Manuel Ramos Horta. Imajen António Goncalves
Sem comentários:
Enviar um comentário