domingo, 14 de abril de 2019

Antes ne’e, arguidu lori droga barak liu tama prisaun preventiva

PARTILHAR

Antesedensia kazu droga nian arguidu barak maka hetan medida koasaun prizaun preventiva. Maibe ba kazu foun ne'e desizaun Tribunal nian hasai oinseluk.

Komandu Jerál Polisia Nasionál Timor-Leste (PNTL), Komisáriu Faustino da Costa relata, hahu husi 2015 to’o agora, sira konsege detein ona arguidu barak ne'ebé lori droga tama timor, iha prizaun preventiva.

“Ha’u la dehan katak ema na’in hira, maibé ho nia montante ne’e balun boot no balun ki’ik. Komesa husi zero virgula grama to’o 100-tál grama ne’ebé oras ne’e iha hela prizaun preventiva”, tenik nia, iha Palásiu Prezidensiál Bairru-Pité, Kinta (11/4).

Liga ba kazu droga ida foin lalais ne’e, PNTL halo ona esforsu másimu hamutuk ho Ministériu Públiku, maibé Tribunal ho ninia kompetensia rasik foti desizaun oinseluk. Nune'e, PNTL hamutuk nafatin ho Ministériu Públiku atu bele aprezenta prosesu sira ne’e ba oin.

Relasiona ho preokupasaun públiku nian kona-ba desizaun Tribunal nian fó medida koasaun Termus Identidade Rezidensia (TIR), Komandu PNTL konsidera ne'e desizaun orgaun independente ida nian tuir lei ne'ebé vigor.

PARTILHAR

Author: verified_user

Publicação luso-timorense sem fins lucrativos

0 comentários: