quarta-feira, 15 de maio de 2019

Programa Merenda Eskolár iha Dili La’o Di’ak

PARTILHAR

DILI, 14 maiu 2019 (TATOLI) - Prezidente Autoridade Munisípiu Dili, Gaspar Soares, hateten programa merenda eskolár iha Munisípiu Dili la’o di’ak.

“Laiha merenda eskolár paradu iha Dili. Orsamentu iha. Tan ne’e, merenda eskolár la’o hanesan baibain,” Gaspar Soares ba Agência TATOLI iha Parlamentu Nasionál, tersa (14/5/2019).

Nia hatuan, iha eskola balun programa merenda eskolár la’o tarde, tanba hatama relatóriu tarde. “Loos duni, ita rekoñese katak iha eskola balun hatama sira-nia relatóriu tarde. Ida ne’e loos maibé paradu, lae,” tenik Gaspar.

Nia esplika katak Servisu Edukasaun ne’e iha Administrasaun Munisípiu Dili nia okos, tanba desentralizadu. “Sira (Edukasaun Munisípiu Dili) iha Administrasaun Munisípiu Dili nia okos ka subordinadu,” Gaspar informa.

Jornalista: Evaristo Soares Martins | Editór: Xisto Freitas

Imajen: Prezidente Autoridade Munisípiu Dili, Gaspar Soares
PARTILHAR

Author: verified_user

Publicação luso-timorense sem fins lucrativos

0 comentários: