Roger
Rafael Soares * | opiniaun
Analizandu ho forma klean husi
senáriu polítiku ne’ebé akontese dau daun iha ita nia rain, ita bele konklui
hodi hateten katak, demokrasia nudár produtu ida ne’ebé la hotu no sempre
dazafiante. Tamba maski governu ida ne’ebé iha maiória iha parlamentu,
lijitimamente eleitu husi votu popular - no tanbá ida ne’e maka disponha
estabilidade governativa - dala wain tenki hasoru dezafius bo’ot atu implementa
ninia programa governasaun, tambá atuasaun ho karakter inadekuada husi parte
ne’ebé la dun simu realidade, hodi nafatin buka atu ajita opiniaun públika, ho
baze iha fundamentus ne’ebé la eziste no infundidus, hakarak iha pontu de vista
legál, no hakarak mós iha pontu de vista kontitusional, ho úniku objetívu atu
prejudika imajén no kredibilidade husi partidus ne’ebé fórma AMP iha sosiedade
timorense.
Nasaun durante tinan ida ikus nia
laran, pasa husi momentus tensus entre prinsipais figuras polítikus, hodi jere
instabilidade no impase polítika ne’ebé só kontribui deit ba blokeius no
paralizasaun iha kreximentu ekonómiku. Nudár ita hotu hatene, tuir matenek nain
sira nia hanoin, katak, wainhra existe instabilidade polítika iha rai ida nia
laran, maka kreximentu ekonómiku rai ne’e nian mos sei instável ka afetadu
negativamente, hodi influensia direta ba menor taxa kreximentu husi PIB per
kapita (Veiga, 2013). Signifíka katak, instabilidade polítika iha konsekuensia
trájika ba ekonómia hodi kontribui ba rekua no atrazus em termus kreximentu
real, ne’ebé afeta mos iha diminuisaun husi taxas kreximentu iha
produtividade.
Iha biban hanesan, autor mos
reforsa katak, estabilidade governativa ne’ebé as sei fo influensia ne’ebé boot
ba taxa kreximentu ekonómiku. (Veiga, 2013).
Ora, Timor-Leste hafoin tiha
krize tinan 2006, hili dalan ne’ebé halo admira Komunidade Internasionál, liu
husi konkistas ba progresus no metas alkansadas ne’ebé permite atu hatudu katak,
ita nudár Nasaun, bele ultrapassa dezafius hodi solusiona ita nia problemas
socio-ekonómikus no polítikus.
No entanto, ho andamentu polítiku
ne’ebé nakonu ho incerteza no impasse bele influensia desizivamente hodi afeta
ho forma negativa imajen pais nian ba exterior, tambá “a imajén de um país é
considerada o seu activo mais valioso (na medida em que) facilita a captação de
investimentos, as exportações de produtos e serviços e ajuda a conquistar a
preferência de turistas”. (Pacheco, 2012).
Importante tebes atu realsa katak
iha tinan hirak ne’e nia laran, Timor-Leste, impulsionadu husi reseitas
petrolíferas, aprezenta kreximentu ekonómiku graduál no exponensial ne’ebé
permite mellorias konsideraveis iha indikadores oi-oin ba dezenvolvimentu.
Maibé, sei nafatin persiste problemas no dezafius iha ne’ebé ezijé respostas
adekuadas no efikázes ba nessesidade povu nian.
Iha aspektu iha ne’e, ita bele
konsidera katak la’os deit kreximentu ekonómiku maka importante, maibé
nessesáriu mós dezenvolvimentu ekonómiku. Tanbá ida ne’e maka primordial tebes
atu promove no kria estabilidade polítika ida ne’ebé sustentavel ho objetívu
atu fó kontinuidade ba progresus alkansadus to’o ohin loron, nune’e mós atu
promove liu tan kreximentu no dezenvolimentu ekonómikus país nian. Atu
nune’e Timor-Leste kontinua projeta ba Komunidade Internasionál nudár ezemplu.
Ezemplu di’ak tebes, hakarak iha planu internu, rejional no mós planu
internasionál.
Ho konsiderasaun hirak ne’ebé
temi ona iha leten maka importante no urjente tebes atu autor polítiku
hotu-hotu hahu pozisiona sira nia an, iha kuridor ne’ébe adekuadu ho ida
idak nia pozisaun polítika klara, atu labele kahur no atrapalha parte seluk
ne’ebé hetan ona fiar lejítimu, liu husi dalan demokrátiku atu kaer ukun, atu
nune’e bele impulsiona normalizasaun ba taxa kreximentu eknómiku real. Iha
kontextu ida ne’e, partes envolventes tomak presiza respeita no konsidera AMP,
nudár manan nain iha eleisoens lejislativas tinan kotuk, atu nia ho
lejitimidade ne’ebé nia hetan husi konfiansa popular, bele diriji VIII Governu
Konstitusional ida ne’e, sein iha interupsaun husi parte oponente, liu husi
tentativa sucessiva atu fahe poder.
Afinal, povu desidi no hakarak
atu AMP maka kaer ukun, no atu respeita vontade povu nian, autor sira presiza
obedese no hakru’uk ba regulamentus legais existentes, hodi hatene pozisiona
an - nudár opozisaun no nudár governante - tambá ao fim do cabo, tantu opozisaun, no mos
governu hotu-hotu kontribui desizivamente, liu husi ida idak nia papel, ba
prosesu dezenvolvimentu nasional.
*Rojer Rafael Tomás Soares,
Ailili, Manatuto - Timor-Leste
Sem comentários:
Enviar um comentário