Ekonomia TL | Claricia Lay: Atividade Negósiu Hahú La’o Di’ak Uitoan

Business Timor | DÍLI -- Manager Jocinto Group Claricia Lay hatete maske Timor-Leste durante ne’e aplika estadu emerjénsia maib’e atividade negósiu hahú di’ak uitoan no la hanesan ho fulan hirak liu-ba ne’ebé halo empreza la hetan rendimentu to’o hapara sira ninia traballadór balun.

“Ha’u hare agora ne’e la’o diak hela duke ita kompara depois Natal tun mai to’o iha fulan Juñu ne’e ita susar teb-tebes, ami mos kuaze atu selu ami-nia funsionariu sira nia salariu selu labele, akontese duni ami hapara staff na’in hira, tanba ami tauk laselu sira,” Hateten top manager Jacinto Group, Claricia Lay ba jornalista BT, Iha kna’ar fatin. Nia informa foin daudaun fulan Agostu nia kompañia hatama fila-fali ona funsionáriu hirak ne’ebé ke hapara, jadi iha deit fulan ida resin nia tempu maibe agora kompañia aumenta tan funsionáriu sira tanba tenke prepara ona ba Natal.

“Fulan hira mai ita tama ona ba Natal, ita-nia alin barak iha kompañia feto barak, tanba ami feto fó servisu feto barak demais, feto barak estadu hotu (partus), ami presiza rekruta fali ema foun, tanba koalia kona-ba osan ita bele hetan lukru ka lae buat sira ne’e, hau dehan hanesan ne’e deit, “Grasa Nai Maromak Nian” no ita mos agradese ba ita-nia matebian sira hotu tanba maromak sempre tulun ita, tanba ita halo diak antes no agora ita hetan, hanesan uluk ita kuda hela buat diak, agora ita ku’u ba buat diak,” Dehan Claricia.

Nia dehan, Tan ne’e mezmu situasaun defisil no susar maibe kompañia tenke buka esforsu no meius oinsa para bele fo koragem ba traballadór sira oinsa ema ida hetan osan uitoan-uitoan maibe nafatin fó servisu ba sira hodi nune’e bele hatán ba nessesidade familiar. Kompañia Jacinto Group ate a data kontinua empréga traballadór hamutuk atus 200 resin iha situasaun ne’ebé krizi iha rai laran maibe nafatin firmi empréga traballadó sira servisu nafatin laiha mengeluh.

“Situasaun susar mos ami nia trabalador 200 ital ne’e ami sei moris hela iha situasaun ne’ebé saudavel laiha triste (mengeluh) maibe ami so tauk deit ba oin ne’e orsamentu governu ne’e iha ka lae. Sei kuandu duadesimu ne’e mak ami tauk, ami tauk tanba kompañia labele promete salariu,” Dehan nia.

Entretantu hanesan empreza nasional mos husu ba governu ne’ebé antes promete dehan atu fó ka selu traballadór nia salariu pursentu 60 (60%) ba emprezarius hotu-hotu iha Timor tomak inklui kompañia Jacinto Group maibe ate a data kompañia ho traballdór sira seidauk hetan benefisiaria promesas ne’e mezmu kompañia fó salariu full ba traballadór maibe promesas husi governu haluhan nafatin. La’os kompañia ejiji atu selu salariu ba funsionariu sira 100% maibe la’e.

“Ami mos hakarak husu ba governu, governu promete ba ami fulan hira liuba dehan katak atu apoiu ami kompañia Jacinto Group no emprezarius hotu-hotu iha Timor tomak inklui ami-nia kompañia ne’ebé iha kompañia 4, ami empréga ami-nia traballadór ne’ebé kuaze hamutuk 200 ital pesoas ne’ebé governu promete atu ajuda ami 60% liu husi salariu, tanba ami selu sira-nia salariu full no ami selu mos sira-nia tunjangan tanba balun servisu sempre iha tunjangan buat sira ne’e ami selu kompletu, lafalta buat ida.

Depois sira balun hanesan moras ami nafatin ajuda orsamentu no ami sosa aimoruk ba sira tanba hospital laiha aimoruk ne’ebé sira presiza no sira balun servisu tanba sira nia inan aman laiha servisu sira hotu hanoin fó konfiansa tomak ba oan sira, mas agora sira nia oan moras tiha ami nafatin apoiu sira nomós fó salariu ba. Depois balun hela iha Hera ne’ebá, situasaun COVID-19 fulan tolu kuandu tempu ne’ebá laiha kareta atu lao, entaun sira labele servisu, ami mos selu nafatin ida ne’e mak ami husu ba governu, governu nia promete ne’e iha ne’ebé, hau la’os dehan governu selu ami 100% lae, maibe hanoin mos ami tanba hare ba rendimentu tun tebe-tebes, ida nemos fó impaktu ba vida emprezarial nian iha rai laran,” Hateten Claricia.

Nia kontinua hatutan, depois ida tan mak produto lokal ne’ebé ema hatama iha ami-nia loja mos menus, uluk fa’an produto lokal iha loja laran, ezemplu, uluk fa’an $20 maibe agora fa’an deit dollar $5. “Ita mos hatene tanba ita-nia politika mak barak liu, entaun edukasaun falta, joven sira barak mak harii uma-ka’in (familiar), ho idade ki’ik demais no wainhira sira mai servisu sira mos saude yeah??? tanba ami mos la’os patraun deit ba sira maibe dala barak ami mos sai hanesan traballdór ba familia ba sira tanba sira-nia situasaun difikuldade moras tenke lamai, talves balun laiha aimoruk ami kompañia tenke hare.

La’os hare ba sira-nia salariu is lolon ne’ebé iha, buat hotu ita mos tenke apoiu ho orasaun tuir ita-nia religaun ne’ebé ita fiar ba katak, buat hirak ne’e hotu nemak ha’u dehan katak sei bele karik nasaun ida ne’e para ona ho politika ba, hare liuba ekonómia ba par nasaun ne’e bele iha mudansa diak ba ema hotu liliu ba joven foin sa’e sira, sira seidauk prepara atu simu ita-nia situasaun hanesan ne’e,” Infoma Manager Jacinto Group Claricia Lay.

Agora hare fali ba kotuk husi novidades Impase politika lao la’os halo Kaman ekonomia nasaun maibe sai naha ne’ebe todan liu tan hodi hurlele Ekonmia nasaun tenke Hakdasak tanba Setór Privadu dadaun ne’e mihis ba bebeik no Povu barak mak hakilar ba Dezenvolvimentu oinsa ho governu nia hare ba situasaun ida ne’e. Tanba husi impase politika ne’ebe lao hahú husi Tinan 2017 no ikus mai liu Parlamentu Nasional sumba Orsamentu Jeral Estadu ne’ebe governu aprezenta, lori Ekonomia TL sai hetok wain liu tan. (BT)

Hakerek nain Tabes | Business Timor