LU-OLO: DIAK LIU VICENTE REZIGNA HO DIGNIDADE

Prezidenti partidu FRETILIN Francisco Guterres ‘’Lu-Olo” fo hanoin katak, lolos Prezidenti Parlamentu Nasional (PN), Vicente Guterres, hola ona pozisaun rezigna-an ho dignidade wainhira inisiu kedas hetan akuza ba abuzu de poder husi Ministeriu Publiku (MP).

“Diak liu maka rezigna-an ho dignidade duke ba haksesuk malu ho justisa atu hasai imunidade ou lae. Hau hanoin ita halo hanesan ne’e la dun kmanek,” afirma eis Prezidenti Asembelia Konstituenti no eis Prezidenti PN ne’e hodi responde jornalista sira iha sede Comite Central FRETILIN, Dili, Tersa (19/05/2015).

Lu-Olo husu ba parlamentu tenki deside duni atu hasai ou la hasai imunidade prezidente parlamentu Vicente Guterres nian, tanba parlamentu hanesan orgaun ne’ebe mak deisde imunidade ne’e.

“Karik krime ne’e nia pena kastigu tinan 2 parlamentu mak tenki hasai duni imunidade ne’e,” esplika Lu-Olo hjodi sublinha tan katak, karta hasai imuinidade ne’ebe tribunal haruka ona karta ba parlamentu ne’e lolos tenki ajenda ona no bolu xefi bankada sira reuni para ajenda.

“Karik reniun entre lider bankada mak lakohi ajenda imunidade hodi la hasai, ne’e hau hanoin la vale, tanba reniun lider bankada ne’e hanesan grupu ida iha parlamentu, laos orgaun parlamentu mak deside,’’ Lu-Olo esklarese hikas.lia

Jornal Nacional