Edukasaun-Sosial Todan, La-Sama: “Ita Servisu Ekipa Bele Susesu”

DILI - Servisu ba Edukasaun no Saude nee todan tebes, maibee kuandu serbisu ho ekipa bele susesu no lori nasaun nee ba oin, tamba edukasaun sai pilar importante ba pais ida nee.

Lia hirak nee hatoo husi Ministru Estadu Kordenador Assuntu Sosiais no Ministru Edukasaun Fernando La Sama de Araujo, wainhira partisipa sermonia Tomada depose ba estruktura KIESP-TL, iha Canossa, Has Laran, Dili, Kuarta (20/05/2015).

Hau Serbisu iha Ministeru Edukasaun aumesmu tempu tenki kordena serbisu iha setor social nia, nee todan tebe-tebes, maibee hau fiar katak ho mutivasaun neebe maka aas, ho estratezia ida katak hau mesak la bele, mas serbisu ho ekipa nee ita bele, ekipa maka hanesan ita nia kbit no ita nia forsa bele lao ho susesu,” hateten La Sama.

Antes nee Prezidente Republika Taur Matan Ruak mos halo vizita iha suku barak iha Timor laran, Xefi estadu sempre alerta katak Timor oan ema ida deit, tamba nee tenki hamutuk foo liman ba malu hodi serbisu ekipa atu lori nasaun nee ba oin.

Iha parte seluk Direitur Ezekutivu Fundasaun Cristal Agustinho dos Santos Goncalves hateten agora nee future nasaun nia iha estudante sira, tamba nee professor no dosente sira hamutuk fahe matenek ba joven sira hodi lori nasaun nee ba oin. Informasaun kompletu iha STL Jornal no STL Web, edisaun Sesta (22/5/2015). Joao Anibal

Suara Timor Lorosae