PRESIZA KODEKU PENAL BA KAZU INSESTU

DILI - Relasiona kazu insestu (perkawinan sedarah) nebe akontese bebeik iha sosiedade Timor-Leste, Grupu Mulheres Parlamentar Timorense (GMPT) fo hanoin ba governu no Parlameno Nasional (PN) presiza hamosu artigu adekuadu iha kodeku penal, para atende kazu insestu.

Deklarasaun nee hatoo hosi Vice Presidenti GMPT, deputada Albina Marcal iha Uma Fukun PN, Dili, Tersa (5/5/2015). Koalia problema insestu, katak Albina, ida nee laos problema foun maibe problema nebe mosu deste uluk kedas. Deste tempo beiala sira. Uluk kedas kazu insestu nee mosu maibe ema subar tiha. Ema tauk koalia sai tamba moe.

“Ita hotu rona kazu insestu akontese barak ona iha ita nia railaran. Lolos nee, ita hanoin, insestu nee labele mosu. Maibe atu katak sa, kazu nee hori uluk kedas akontese ona maibee ema subar tiha. Tauk koalia sai ba publiku,” hatete Albina Marcal.

PN mak iha kompetensia halo lei bazea ba Konstituisaun RDTL. Nee koalia momos iha Artigu 92. Artigu nee kolia kompetensia knar PN. Bazea ba lei nee, nia dehan, PN presiza halo duni lei ba asuntu insestu. Komis­aun nebe kompetensia iha PN, presiza konsulta ba malu. Presiza konkordansia para hamosu artigu balu iha kodeku penal hodi haree kazu insestu. Nee presiza tamba durante nee seidauk iha kodeku penal espesifiku ba kazu sira hanesan insestu.

Kuandu haree ba Lei Contra Violensia Domestika, iha neba esplika katak, ema nebe sai membru familia, ema nebe moris iha uma kain ida nia laran. Purex­emplu ema nebe mak depende­nsia ekonomika, nunee mos sei relasaun familia nebe husi sindente ka desentente (mem­bru familia) nebe mak hanesan kontituisaun ba membru familia nian.

“Hau hanoin koalia konaba tunangan, ida nee karik prosesu ida kazu sivil nian, maibee iha ita nia railaran, buat sira nee akon­tese tamba bazea ba kultura,” nia hatete.

Relasiona kazu insestu, deputada Albina hatete, GM­PTL hasoru malu ona ho organ­i­zasun JSMP, AFELA, Fokup­ers no organizasaun sira seluk iha nivel nasional atu hare ba asu­ntu sira nee. Iha Janeiru tinan kotuk, governu I nome actual Ministru Justica, nunee Ministru Kordenador Asuntu Sosiaisa realize siminari ida kolia mos ba insestu.

Iha fatin hanesan Presidente bankada PD,deputada Maria Lourdes Bessa afirma katak,kazu insestu ssuntu nebe seriu teb tebes Parlamentu Nasional levanta bebeik,liu liu husi grupu GMPTL.

“Ami kolia dala barak ona atu hare lei,se presiza ajusta lei ka lae ou presiza halo lei foun,mais dala ruma lapresiza halo lei foun­,m­aibee hare deit lei nebe iha tia ona,par abele kriminaliza mos pen­a nebe todan ba kazu insestu iha railaran,”dehan deputada Maria Bessa.

Membru Bankada Fretilin, Paulo Moniz Maia dehan tan. Nudar nasaun demokratiku, ema hotu livre moris no livre halo aktividade saida deit. Maibe konaba problema kazu insestu, tenki halo lei ida para prevene kazu sira hanesan labele akontese bebeik. Carme Ximenes

Suara Timor Lorosae