PROBLEMA RAI, TAUR HUSU POVU REZOLVE TUIR KULTURA

BAGUIA - Problema rai nebe mak povu oras nee hasoru, Prezidente republika Taur Matan Ruak husu povu atu rezolve ho dalan informal, tamba lori ba dalan justisa sei hamosu problema boot.

Tuir Prezidente Repúblika Taur Matan Ruak katak problema rai neebe iha diak liu buka dalan justisa informal hodi nune’e resolve tuir familai nian, tanba kazu rai nian mak lori ona ba Tribunal nee resolve oin seluk ona.

Lei seidauk iha, maibe hau koalia ho governu laos deit lei formal prezisa dezemvolve mos lei informal. Kuandu imi (Povu red) iha problema imi ba iha Tribunal nee problema imi oin seluk fali tanba ne’e tenki koalia tuir malu,” dehan Taur liu husi Dialogu ho Komonidade iha Suku Haekoni, Postu Administrativu Baguia Munisipiu Baucau.

Xefe Estadu esplika katak oras nee proposta lei rai governu mak sei haruka ba Parlamentu Nasional (PN), kuandu aprova ona mak sei lori ba Prezidente hodi promulga, Tanba nee hein katak PN bele aprova lei rai nian antes mandatu remata.

Iha fatin ketak xefi suku Osso-Una, postu administrative Baguia, municipio Baucau, Antonio Aparicio Guterres hateten iha suku Osso-Una problema rai mak sai problema boot iha suku, tamba nee husu estadu atu kria lei rai iha tempu badak. Informasaun kompletu iha STL jornal no STL Web, edisaun Sesta (26/6/2015). Timotio Gusmao

Suara Timor Lorosae