LANAMONA MOSU HODI HAKBIT EKONOMIA FAMILIA

MALIANA - Lanamona nia signifika mak lakon nakukun mosu naroman, nudar koperativa kreditu uniaun ida ne’ebé harii  iha tinan 2004 husi funadador nain 13 idak idak ho kapital $25 ne’ebé fofun ho naran fo liman. Domingas dos santos nudar mos funador ba koperativa kreditu uniaun Lanamona bainhira dada lia ho jornalista Business Timor foin lalais ne’e hateten Lanamona mosu ho objetivu atu haforsa ekonomia familia hanesan fo kreditu ba nia membru sira.

“Hanoin atu harii koperativa kreditu ida ne’e  iha tinan 2002 maibe la konsege entau liu husi prosesu hanoin ne’e ikus mai iha tinan 2004 hodi harii koperativa ne’e hanesan servisu sampingan ida, tuir hau nia luta kontinuasaun funu nian oinsa atu dezemvolve ekonomia familia tanba iha tinan 2002-2004 tuir ami nia hare liliu ba feto sira ne’e iha difikuldade barak konaba sustentablidade uma laran entaun ho hanoin ida ne’e hau bolu tan kolega balun ne’ebé uluk servisu hamutuk iha OMT hodi forma grupu ida ne’e iha tinan 2004 ne’ebé hahu ho kapital  inisiu $ 300,” haktuir nian 

Kapital ne’ebe iha hodi funda Lanamona mai husi ema nain 13 no kada ema hatama $ 25, depois osan ne’ebé rai hamutuk fo impresta ba malu kada ema ida ho montante $ 50 depois iha tinan 2004 to’o 2007 osan ne’e sae ona to’o $ 7000. Bainhira kapital osan to tiha iha $ 7000 mosu dezafiu ida ba sira mak laiha kapasidade atu jere osan refere tanba ne’e halo proposta ida ba iha diresaun nasional  koperativa hodi fo kapasitasau no treinamentu. “Iha momentu ne’e ami nia proposta ne’e simu no iha tinan 2008, ami nia grupu ohin ami harii tau fo Liman ne’e ami transforma kedas ba Lakon Nakukun Mosu Naroman (LANAMONA),” haktuir Domingas.

Depois transforma naran ne’e konsege mosutan fundador balun hodi komplete ema nain 40 ne’ebé sai hanesan fundador ba koperativa kreditu ne’e ohin loron.  “Tanba atu regista hodi hetan legalidade iha Notariadu kuandu feto hotu deit entaun ema labele fo autorizasaun tan ne’e mak hodi tau mane ida ne’ebé mak durante ne’e suporta ba aktividade koperativa ne’e rasik,”haktuir Domingas. 

Hafoin hetan tiha legalidade iha tinan 2008 liu deit tinan ida iha 2009 sira konsege halo kedas primeiru asembleia tanba ema barak mak involve tan hodi sai membru kuaze ema nain 90 depois tuir mai tinan-tinan halo tan ne’e mak nia progresu ne’e tinan-tinan  aumenta ema no osan entau iha tinan 2008 ema nain 40 ne’ebé harii koperativa  depois iha tinan 2009 kuandu tiha  primeiru asembleia  ema hamutuk nain 90 tanba ne’e  tinan 1 deit iha ema nain 50 mak tama tan ona.

Primeiru asembleia geral nian iha tinan 2009 ramata to’o fali tinan 2010 atu halo fila fali asembleia geral komesa aumenta tan membru 60 entau hamutuk ho membru tinan 2008-2009 iha membru 150 no osan mos aumenta. “Entau iha primeira asembleia ami fahe $3000 hanesan exsau ou exedente entaun segundu asembleia ema mos aumenta entaun ami mos fahe ona $ 6000 ba iha membru sira iha terseiru asembleia geral sae ona ba $9000, kuartu asembleia sae ona ba iha $ 10.000 no kintu asembleia ami fahe ona $ 17.000 no ikus mai sestu asembleia ami fahe ona $ 29.000 no total membru agora ne’e iha ema nain 1.200,”dehan nia.

Koperativa Lanamona mos agora iha susesu tanba  bele kria kampo de traballo ba ema nain 10 ne’ebé ho salariu masimu kada fulan $240 no minimu mak $ 115 ho vuluntariu balun ne’ebé manan ho intensivu bo’ot liu mak $75 no minimu liu mak $40,  susesu seluk tan mak membrus barak ne’ebé bele impresta osan husi Lanamona minimu $150 maksimu $10.000 oinsa bele fila liman hodi hadia ekonomia familia uma laran. (BT)

Business Timor - Letto