DISPENSA BO’OT LIU RENDIMENTU…!!!

Jornal Nacional, editorial

Besar basa daripada tian, besar pengeluaran daripada pemasukan. Palavra ‘ pepatah’ ne’e se ita kompara ho situasaun orasamentu Estadu Timor nian bele dehan laiha balansu entre dispensa no rendimetu nasaun nian.

“Reseitas Timor Leste nian ba tinan ida ne’e, hahú husi Janeiru to’o agora, hamutuk 170 mill resin,” Santina Cardoso. Minimu rendementu nee tau nasaun iha amesa estadu monu tamba laiha osan atu bele subervive , finansia aktividade nasaun nian.

Karik ita lembra orsamentu Jeral Estadu Timor Leste nian kada tinan 1.5 biloens dolar Amerikanu maibe rendementu nebe estadu kobre iha fulan Janeiru too Julho nee iha deit 170 mill dolar Amerika.

Rendementu 170 mil dolar Amerikanu nee, governu presisa tan osan hira atu bele kobre 1.5 miloens, klaru laos osan oituan.  Rendementu estadu 170 USD nee kiik liu duke gasta, difrensia nee hatudu katak kada tinan estadu difisit orsamental, tamba difrensia dispensa no rendementu estadu nee boot teb-tebes. Ho problema nee lori governu depende ba fundu petroliu nebe limita deit 3%.

Foti osan Fundo Petroliu liu 3% nee kontra lei maibe hakarak ka lakohi, governu tenki viola duni lei petroliferu atu governu bele taka difisit orsamentu nebe governu infrenta maske sosidade sivil hakilar lesuk.

Agora rendementu minimu nee tamba aktividade ekonomikas iha nasaun laran mak macet? ka iha indikasaun korupsaun nebe esiste iha ministeriu, sekretaria no estadu laran hodi lakontribui ba reseita estadu nian nee.

Governu nudar orgaun jestor ida tenki esforsu an makaas hodi buka hatene tambasa rendementu nee kiik, kompanhia nia sira maka lakohi selu taxa ka iha ema gayus Tambunan ‘  mafia pajak Indonesia’ ala Timor Leste.

Governu tenki iha keratividade, governu nudar jestor tenki iha korazen atu buka osan rasik, labele depende ba fundo minarai, mina rai loron dia sei maran, governu RDTL nee kontinua funsiona.

Situasaun difisit orsamentu kada tinan bele tau risku ba pais nee, nasaun bele bangkrut, tamba laiha osan ba ema sira nebe hein mortuario nee.

Timor Leste paises konsumidor, laos produtora, tan nee osarmentu nebe tinan – tinan parlamentu aprova no presidente republika promulga, barak liu halai ba Indonesia, mantein iha rai laran.

Publiku apresia ba deklarasaun deputado sira iha Parlamentu nasional; nebe ejiji governu atu halo reforma iha Alfandega nee bele los, reforma iha orgaun otonomas estadu nian, reforma emprensa publika ‘ BUMN’, EDTL, SAS, Porto no aeroportu. Instituisaun sira nee mak hatama taxa barak liu ba estadu.

Ne’ebe presisa kontrola ho rigorozu atu labele iha gayus gayusan iha taxa nian, nebe fo impaktu ba rendementu nasaun nian.

Iha nasaun laran kontribuisaun sidadaun nian importante tebes ba desenvolvimentu nasaun, governu nudar ezekutivu tenki forte hodi foti desizaun politika, laharee ba intrese partido no grupo. *