Komemora Loron FP, PM Rui: Funsionariu Hanesan Ajente Dezenvolvementu Ba TL

DILI - Primeiru Ministru (PM) Rui Maria de Araujo, husu ba Funsionariu Publiku (FP) hotu, atu asumi responsabilidade hanesan ajente dezenvolvementu ba Nasaun Timor Leste (TL).

Lia hirak nee hatoo husi PM Rui, liu husi selebrasaun loron Funsaun Publika, iha Salaun Ministeru Solidaridade Sosial, Caicoli, Dili, Kuarta (15/07/2015).

Hau hakarak enkoraza funsionariu sira hotu atu asumi responsabelidade hanesan azentes dezevolvementu ba rai ida nee nia, neebe iha konprimisiu boot ba sakrefisiu sira hotu, neebe ita nia beiala sira halo hela tiha ona. Ita hotu ohin iha nee, tamba iha jerasaun lubun ida maka sakrefika aan tiha ona ho nune ohin ita bele hamrik iha nee atu asumi konpremisiu importante hodi dezenvolve nasaun nee,” hateten PM Rui.

Xefi Governu nee hatutan, funsionariu publiku sira iha papel importante tebes, nudar Xefi Governu, lori Governu nia naran, hakarak apela ba funsionariu publiku sira hotu, atu serbisu ho didikasaun ho profesionalismu, atu bele interpreta politika neebe politikus sira difini sai realidade ba dezenvolvementu rai ida nee.

Iha fatin hanesan Prezidante Komisaun Funsaun Publiku Faustinho Cardoso hateten Komisaun Funsaun Publika apersia tamba Governu aprova rezolusaun neebe deklara loron 5 Jullu nudar loron nasional funsaun publika. Informasaun kompletu iha STL jornal no STL Web, edisaun Kinta (16/7/2015). Joao Anibal

Suara Timor Lorosae