Ekipa resgate to’o ona iha fatin ne’ebé hetan destrosu aviaun nian

Ekipa resgate indonézia ohin lokaliza ona destrosu hosi aviaun ne’ebé monu horisehik ho ema 50 iha laran, no monu iha zona parte foho provínsia Papua, tuir impernsa lokál fó sai. 

Aviaun rua deteta ona destrosu hosi aviaun ne’ebé monu ho modelu ATR 42 hosi Trigana Air, besik ba katarat Oksop, zona foho Bintang, hanesan sentru administrativu maka Oksibil, fó sai ajénsia Antara.

Aviaun ne’e lakon kontaktu ho tore kontrolu iha domingu, hafoin liu tiha minutu 34 sai hosi Jayapura, kapitál Papua no minutu sanulu antes to’o iha Oksibil, sentru Papua. Aviaun refere tula ema bot na’in haat, labarik lima nomós membru tripulasaun lima, iha voo ne’ebé tuir lolos ho de’it durasaun minutu 45, hodi lakleur bele atera iha lokál aterajen molok tuku 15:00.

Trigana Air hanesan kompañia kiik ida ne’ebé harii iha 1991, no hala’o voo doméstiku ba iha fatin 40 ne’ebé besik iha Indonézia.

Sempre uza aviaun kiik hodi tula ema ba iha zona parte foho Papua nian no iha tinan hirak ikus ne’e, tanba tempu ladi’ak, kria ona asidente oioin.

SAPO TL ho Lusa