Orsamentu Aloka Ba Veteranus Boot, Afeita Ba OJE

DILI – Orsamentu neebe aloka ba veteranus boot, nunee afeita ba Orsamentu Jeral Estadu (OJE), tamba iha IV Governu Konstitusional rezista ona veteranus barak iha teretoriu Timor laran tomak, maibee seidauk define didiak ema sira nee veteranus tebes ka lae.

Membru Parlamentu Nasional husi bankada FRETILIN, Paulo Moniz Maia hatete, orsamentu atu selu ba veteranus neebe mak tuir kriteriu sira priense atu hetan pensaun veteranus nee ida marteris, ida mos veteranus neebe mak sei moris, tamba veteranus neebe mak merese atu hetan pensaun nee hahau husi nia durasaun partisipasaun.

Kada tinan ita aloka orsamentu boot ba selu veteranus tamba sira iha direitu,mais tuir hau nia hare laos hotu hotu iha direitu, balu laiha direitu, maibee tamba rejista tia ita ladun identifika lolos se mak veteranus, se mak la veteranus entaun ita selu, tamba tun ba halo veretfikasaun de dadus tama ona baze de dadus iha komisaun homenagen entaun veteranus neebe mak rejistadu nee merese atu hetan osan depende sira nia durasaun de tempu, maibee ita hare kada tinan 1 milaun ba leten ba veteranus se laiha rohan ida atu para nee orsamentu ida nee lahatene bainhira los mak osamentu ida selu ba veteranus nee atu para,” dehan deputadu Paulo ba STL, iha PN, Kinta (27/08/2015).

Deputadu Paulo hatete, ema hotu hatene katak ema neebe mak simu osan veteranus nee balu veteranus duni I balu mos la veteranus, maibee tamba mekanismu sistema nee mak ladun diak entaun ema neebe laveteranus mos dehan nia veteranus hotu.

Iha fatin hanesan veteranu atual deputada husi bankada PD Olinda Morais alias Bi Mally hatete, osan milaun resin neebe aloka ba veteranus sira tuir nia hanoin nee laos hatodan ba Orsamentu Jeral Estadu, tamba veteranus sira neebe mak iha area rurais neebe lahatene lee no hakerek. Informasaun kompletu iha STL Jornal no STL Web, edisaun Sesta (28/8/2015). Carme Ximenes

Suara Timor Lorosae