PNTL Okupa Sede Sentral CPD-RDTL, Ativista Pro-RDTL Ejiji Justisa

DILI - Polisia Nasional Timor Leste (PNTL) nebe kontinua okupa Sede Sentral Organizasaun CPD-RDTL iha Balide, halo Ativista pro RDTL hasoru Prezidente Republika Taur Matan Ruak hodi Ejiji Justisa, tamba sira hatama ona keixa durante tinan rua maibe laiha rejultadu.

Tuir Sekretariu Jeral Ativista Pro-RDTL Gil Ferdes hatete hasoru malu ho Prezidente Republika koalia kona ba justisa tamba desde rejulusaun nebe mak parlamentu Nasional hasai iha 2014, hodi fo mandantu ba PNTL halo distruisaun total ba iha Sentru restaurasaun CPD-RDTL Kuda  liu-liu sede sentral Balidi.

Ami koalia kona ba justisa tamba PNTL halo distruisaun total ba iha Sentru restaurasaun nebe mak CPD-RDTL Kuda liu-liu sede sentral Balidi nebe sai destroidu,Kazu ida nee CPD-RDTL Hatoo tiha ona ba tribunal maibe besik tinan rua ona prosesu seidauk lao,” dehan Gil ba Jornalista Kinta (27/08/2015) iha Palasiu Prezidensial Nicolao Lobato.

Nia hatete sede sentral Balidi Dili, nebe sai destroidu pro Ativista RDTL defende nafatin tamba rai no uma estadu ninian nebe mak CPD-RDTL uza ba interese nasional, hodi halao konsolidasaun no sede ba restaurasaun ninian.

Iha fatin Ketak Deputadu Bankada CNRT Agustinho Lay hatete rejulasaun nebe mak parlamentu no governu hasai taka grupu illegal kualker grupu illegal nebe mak halibur ema, hatais farda, lori armas no kroat habelar informasaun falsu nee taka. Informasaun kompletu iha STL Jornal no STL Web, edisaun Sesta (28/8/2015). Timotio Gusmao

Suara Timor Lorosae