SEM husu CCI-TL tau matan ba feto sira ne’ebé involve iha negosiu

DÍLI - Sekretariu Estadu  ba apoiu promosaun sosiu ekonomia feto (SEM) husu ba CCI atu tau matan ba feto sira ne’ebé hola parte iha dezenvolvimentu  ekonomia iha rai laran liu-liu ba sira ne’ebé halo negosiu ki’ik.    Sekretariu Estadu ba Apoiu Promosaun Sosiu Ekonomia Feto (SEM) Veneranda Lemos hateten ba jornalista  BT, Segunda (10/08, foin lalais ne’e.

Nia husu CCI-TL atu tau matan  ba feto ekonomia sira tanba durante ne’e  timoroan barak mak hahu  halo  investimentu maibe la iha ema atu tau matan ba sira. Nia dehan empreza ida harri konsege kria ona  kampu  serbisu ba an rasik  hodi kontribui ba dezemvolvimentu  ekonomia. Nia husu mos ba  banku  sira atu fo kreditu ba setor privadu sira hodi nune’e bele dezemvolve sira nia negosiu.

“Iha parte Sosiu ekonomiku  ba feto  nian hau mos hakarak husu ba   emprejariu sira, liu-liu ba Camara Comersiu   atu tau matan mos ba feto sira, ne’ebé  mak oras ne’e dadauk halo  hela sira  industria ki’ik, tanba feto sira mos iha liu korajen  atu dezemvolve sira nia an rasik, sira  halo dezemvolvimentu  ba nia an ne’e laos katak mane la iha  ba sira, maibe sira  mos tenki halo mudansa ba nia an katak mos bele, tanba ne’e mak liu-liu  ba maluk feto sira ne’ebé  hela iha area rural sira ne’e hahu dadauk ona halo industria ki’ik, maibe oinsa mak ita  nia tenki halo  kolaborasaun hamutuk hodi bele tau matan ba sira atu nune’e sira  nia industria ne’e sai industria ne’ebé mak diak,” dehan sekretariu ne’e.

Sekretariu Estadu  mos esplika tan, feto pontensial iha munisipiu Atauro no Natarbora sira komesa halo ona sira nia industria ki’ik, hanesan halo budu tasi no iha munisipiu Natar bobora sira halo sumu, jus ne’ebé mak  agora dadauk ne’e fa’an ona iha merkadu,  tanba ne’e  husu ba parte Camara Comersiu Industria  atu haree oinsa mak sira negosiu ne’e atu lao ho diak,  no bele promove feto maluk sira nia produtu lokal ne’ebé mak  sira produs iha rai laran.   Hatan ba preukupasaun hirak ne’e Presidenti CCI-TL Oscar Lima hateten, CCI pronto atu tau matan ba  emprejariu sese deit, tanba CCI la iha feto la iha mane maibe hotu-hotu iha direitu hanesan  importante liu mak ema emprejariu  ne’bé mak atu tama ba nia sosiadus, tanba iha foho mos iha feto no mane.

“Durante ne’e ami mos prontu atu fo kapasidade ba setor privadu sira, no buka solusaun ba sira mos  bele hetan kreiditu  liu husi banku BNCTL ida ne’e hanesan CCI nia knar ami tenki halo maibe ami mos espera katak la koi lansa buat ida kreditu  husi Banku ANZ mos promote ona  sei lansa uluk iha distritu Ermera inklui mos husi Munisipiu sira seluk mos,” nia hateten. Nia mos dehan tan katak, durante ne’e CCI  hamutuk ho parseiru prinsipal governu   husi SEPFOPE, IAD Ministeriu Obras Publiku  no MCAI hodi fo treinamentu ba emprejariu sira. (BT)

Business Timor