DILI
– Reprejentante povu iha Uma Fukun Parlamentu Nasional (PN) husu atu
reforma Funsaun Publiku, tanba durante halo rektutamentu ba funsionariu familia
mak barak.
Tuir
deputadu Osorio Florindo ba STL iha Paramentu Nasional depois remata plenaria
Tersa (29/09) hatete, persija reforma estrutura funsaun publiku tanba durabte
nee halo prosesu rekrutamentu ba funsionariu sira familia mak barak.
Tenke
hare situasuan nee ho diak tanba kuaze institusaun estadu neebe mak halo
rekrutamentu ba timor oan atu sai funsionariu nee dala barak liu sira bolu malu
permeiru voluntariu depois kontratadu no la kleur tan molok ema loke
rekrutamentu sira iha laran ona ida nee tenke hadia tanba se hanesan nee ita
hamosu familiarismu, grupu no partidu iha institusaun estadu nee labele,”
hatete Osorio.
Nia
hatutan iha Institusaun balu iha grupu familia hanesan fen ho laen, oan,
subrino, subrina servisu hotu iha fatin ida, ida nee hahalok neebe mak la diak
no taka dalan ba publiku tanba nee funsaun publiku tenke avalia sira nia
servisu atu nunee labele politija servisu.
Iha
fatin hanesan Vise Prezidente Parlamentu Nasional, Aderito Hugo, hatete durante
tinan 15 nia laran funsaun publiku ejisti maibe saida mak akontese, ema hotu
preokupa no kestiona tebes atendementu funsaun publiku nian. Informasaun
kompletu iha STL Jornal no STL Web, edisaun Kuarta (30/9/2015). Thomas
Sanches
Suara Timor Lorosae
Sem comentários:
Enviar um comentário