Atinji Dezenvolvimentu Sustentavel Tenke Servisu Hamutuk

DILI – Atu atinji dezenvolvientu sustentave iha Timor Leste maka hakarak ka lakohi hotu-hotu tenke servisu hamutuk.

Informasaun ee fo sai hosi Primeiru Minsitru (PM), Rui Maria de Araujo, liu hosi ninia deskursu wainhira partisipa iha selebrasaun loron aniversariu ONU 2015 neebe mak halo iha salaun Canosa Kinta (29/10) ho tema “TL no Objetivu Dezenvolvimentu Sustentavel Parseira ho Joventude Timor Oan Sira”.

Ba hotu-hotu hau apela tan dala ida se ita hakarak atinji objetivu dezenvolvimentu sustentavel iha Timor Leste, forma importante ida maka ita hotu-hotu tenke servisu hamutuk hanesan id aba hotu-hotu no hotu-hotu ba ida,” dehan Primeiru Ministru Rui.

Nia hatutan liu hosi loron aniversariu ONU neebe mak ba dala 70 nee TL bele estabelese parseira diak ida liu-liu ba jovens sira atu bele dudu prosesu objetivu dezenvolvimentu sustentavel nian, no objetivu hosi sustentavel nee ida mak atu halakon kiak no mukit iha mundu, hamenus injustisa  no desigualdade, hapara mudansa klimatiku no seluk tan tanba nee atu atinji objetivu sira nee nia hatutan governante sira mesak sei la halo buat ida maibe kuandu hotu-hotu hamutuk maka prosesu hotu sei lao tuir nia dalan.

Iha fatin hanesan Sekretariu Estadu Joventude no Desportu, Leovigildo Hornai, mos hatete katak Sekretariadu estadu Joventude no Desportu neebe mak servisu hamutuk ho ONU laos foin mak halo maibe hahu kedan iha restaursaun indenpendensia TL nian.

Nunee mos ho Kordenador Rezistente ONU, Knut Ostby, mos hatete governu TL sai mebru ONU iha numeru 191 tanba nee iha selebrasaun loron aniversariu ONU nian ba dala 70 selebra mos iha TL tanba durante nee TL ho ONU sai ona parseira diak iha tinan 13 nia laran ona. Informasaun kompletu iha STL Jornal no STL Web, edisaun Sesta (30/10/2015). Thomas Sanches

Suara Timor Lorosae