Dezenvolve Infrastrutura Oe-Cusse La Afeita Komemora Tinan 500

DILI - Projeitu Infrastrutura neebe lao iha Reziaun Espesial Oe Cusse sei la afeita ba komemorasaun  tinan 500 prezensa  Portugal iha Timor, tamba dezemvolvimentu neebe lao trata Oe-cusse hanesan rejiaun espesial tuir konstitusaun.

Tuir Vice Prezidente Parlamentu Nasional (PN) Aderito Hugo da Costa katak preparasaun selebrasaun iha tinan 500 konsege transforma Oe cusse neebe trata hanesan munisipiu sira seluk hanesan deit, maibe oras nee promove sira sai rejiaun espesial tuir konstitusaun.

Dezemvolvimentu Infrastrutura neebe lao sei la afeita makas tamba kontestu komemorasaun nee barak liu konsentra ba seremonial,”  dehan Aderito ba Jornalista, Sesta (20/11/2015) iha PN.

Nia hatete infrastrutura lubuk sei lao hela maibe infrastrutura neebe prepara ba tinan 500 mak jardim monument Lifau, infrastrutura neebe mak prepara ba iha komemorasaun tinan 500 nee avansa lubuk ida.

Deputadu Bankada Frente Mudansa Jorge Teme Katak Atividade neebe mak sei halao iha Oe-Cusse hanesan kada tinan neebe Timor Leste halo maibe atividade espesial ladun hatene lolos.

Nune mos Deputadu Bankada CNRT Arao Noe hatete Preparasaun ba tinan 500 Komemorasaun prezensa Portugal iha Oe Cusse oras nee sei minimu liu, tamba nee iha nasional mos komemora hotu atu fo sinal pozitivu ida proklamasaun independensia nian. Informasaun kompletu iha STL Jornal no STL Web, edisaun Sabado (21/11/2015). Timotio Gusmao

Suara Timor Lorosae