Desizaun
Xanana Gusmão nian hodi despartidariza luta ba independénsia Timor-Leste, iha
1983, maka sai nu’udar “momentu xave” hosi prosesu libertasaun, hodi ikus mai
alkansa duni iha referendu 30-agostu-1999, tenik Mário Carrascalão.
"Ha’u
la’os fan Xanana nian. Ha’u admira ho serbisu ne’ebé nia halo, maibé ha’u la’os
xananista ida. Nia hatene kona-ba ne’e. Maibé tuir ha’u karik ema ida maka sai
hanesan independénsia Timór nian, nia maka Xanana Gusmão. Iha liur maka sira
seluk. Maibé iha ne’e maka Xanana", hateten durante entrevista ba Lusa.
"Xanana ninia korajen sai hosi Fretilin, maka atu sai de’it nu’udar komandante Falintil nian, no ida ba ha’u hanesan momentu xave” explika Mário iha entrevista ba Lusa hodi analiza kona-ba Timór iha tinan 40 liu ba. Falintil uluk hanesan brasu armada hosi Frente de Libertação do Timor-Leste Independente (Fretilin).
Mário Carrascalão, ne’ebé hanesan governadór datolu nomeia hosi Indonézia (hosi 18-setembru-1983 to’o 18-setembru-1992) ba Timór, haktuir hikas kona-ba enkontru ne’ebé nia hala’o ho Xanana Gusmão rasik, iha Larigutu (1983) no Ariana (1990) hala’o tanba nia uluk hanesan líder rezisténsia nian.
"Ha’u hasoru malu ho nia, bainhira sei hanesan komandante Falintil. Karik nia aprezenta-aan hanesan komandante Fretilin, ha’u sei latuur hamutuk ho nia iha meza ida. Iha tempu ne’ebá, ha’u sente katak nia mos reprezenta ha’u no sira seluk hanesan ha’u. Bainhira ko’alia ho Xanana Gusmão, ko’alia mos ho ema ida ne’ebé uluk hanesan reprezentante hosi brasu armada povu timor-oan nian, maka UDT [União Democrática Timorense] halo parte ba", esplika.
Mário Carrascalão hateten katak iha inísiu hosi dékada 1980 Fretilin "lakon iha rezisténsia interna" no Xanana hatene kria movimentu unidade nasionál ida, “hodi hapara divizaun hothotu hosi Fretilin-UDT”.
"Fretilin hanesan alvu xaxina (nu’udar parte ne’ebé Indonézia hakarak oho hotu) hosi Indonézia. Líder hothotu fahe malu. No iha 1983, bainhira Fretilin ninia ema fahe malu, Xanana foti fali inisiativa hodi kria movimentu ba unidade nasionál, maka UDT", tenik.
"Momentu ida ne’ebé difisil tebes, tanba Xanana Gusmão, ne’ebé kombate hanesan Fretilin, sai fali komandante Falintil nian hodi la’os ona nu’udar brasu aramadu Fretilin, maibé hanesan brasu armada hosi rezisténsia nian”.
"Ema barak hatene no interesante liu maka movimentu hosi unidade nasionál ne’e la’os halibur de’it UDT, no maski lori UDT ba iha luta armada, maibé konsege hetan simpatia barak hosi Apodeti [Associação Democrática Popular Timorense], lainklui fundadór Apodeti nian, hanesan João Martins nomós sira seluk ne’ebé simpatiza ba luta armada, no kontra integrasaun", esplika.
Ho pasu iha 1983 no kapasidade hodi mantén liña refere, maski hanesan opozisaun interna no esterna - ba se maka hakarak mantén ho diresaun polítika-partidária no ideolojia – maka ikus mai hamosi hanoin ida katak “la’os Fretilin” mesak maka manan luta.
"Referendu maka sai nu’udar rezultadu ikus, ba saida maka Xanana kria iha 1983. Povu sira hamutuk. Iha 30-agostu populasaun populasaun sira laiha ona simptia karika ema ne’e hosi UDT, entaun kontra ka la’e. Loron 30 ne’e maka sai nu’udar rezultadu hosi konskuénsia ne’ebé Xanana halo iha 1983", insisti.
Ohin no hafoin mosu problema hanesan iha 2002, 2006 no 2008, Mário Carrascalão, insisti katak atu tenke rezolve problema hirak ne’ebé seidauk atu rezolve, inklui problema hosi sira ne’ebé iha 1999, lori ona ba Timór indonézia.
"Ami nia ema barak iha ne’ebá. Buat barak ne’ebé sira husik hela iha Timór, ema seluk maka okupa fali. Lagarante sira-ninia direitu. Dalaruma, halo sira labele fila duni, atu labele mai okupa fali buat hirak ne’ebé sai na’in ba sira rasik”, tenik.
"Karik iha sala, tenke lori ba julga iha tribunál. Maibé ema hirak ne’e la’o ba no mai hela no timor-oan rasik laiha hanoin katak, ema balun pró-integrasaun no seluk hanesan pró-independénsia", hanoin hikas.
Haree ba termu polítika, Mário Carrascalão hato’o parabéns ba esforsu balun tanba kria ona unidade nasionál iha tinan hirak ikus ne’e, maibé insisti katak problema barak ne’ebé mosu desde independénsia mosu karik “tanba sala bot hosi Nasoens Unidas nian ne’ebé orienta buat hotu, hodi fó de’it partidu ida maka domina, hanesan Fretilin".
"Ba Nasoens Unidas, Fretilin de’it maka iha no tanba ne’e maka nia kria kondisaun ida hodi halo transformasaun automátika hosi Asembleia Konstituinte iha Parlamentu no depois Governu ida ho maioria absoluta", hateten.
"Konsekuénsia hosi saida maka Nasoens Unidas halo maka sei sente to’o ohin loron. Governu mos oras ne’e daudaun, orienta ho sentidu ba futuru ida ne’ebé sei atu domina ho partidu ida de’it maka Fretilin. Orienta hela ho sentidu ida ne’e", konsidera.
Senáriu ida, insisti, atu “Xanana maka sei bele fila hikas fali ba líder Fretilin nian”.
"Ha’u lapreokupa ho ema seluk ninia hanoin katak, ida ne’e sei sai hanesan Estadu ne’ebé falla. Iha tempu atu koriji. Ha’u hakarak atu koresaun hothotu hala’o maibé laho ona sonfrimentu, no lafakar tan ran", hateten.
SAPO TL ho Lusa
"Xanana ninia korajen sai hosi Fretilin, maka atu sai de’it nu’udar komandante Falintil nian, no ida ba ha’u hanesan momentu xave” explika Mário iha entrevista ba Lusa hodi analiza kona-ba Timór iha tinan 40 liu ba. Falintil uluk hanesan brasu armada hosi Frente de Libertação do Timor-Leste Independente (Fretilin).
Mário Carrascalão, ne’ebé hanesan governadór datolu nomeia hosi Indonézia (hosi 18-setembru-1983 to’o 18-setembru-1992) ba Timór, haktuir hikas kona-ba enkontru ne’ebé nia hala’o ho Xanana Gusmão rasik, iha Larigutu (1983) no Ariana (1990) hala’o tanba nia uluk hanesan líder rezisténsia nian.
"Ha’u hasoru malu ho nia, bainhira sei hanesan komandante Falintil. Karik nia aprezenta-aan hanesan komandante Fretilin, ha’u sei latuur hamutuk ho nia iha meza ida. Iha tempu ne’ebá, ha’u sente katak nia mos reprezenta ha’u no sira seluk hanesan ha’u. Bainhira ko’alia ho Xanana Gusmão, ko’alia mos ho ema ida ne’ebé uluk hanesan reprezentante hosi brasu armada povu timor-oan nian, maka UDT [União Democrática Timorense] halo parte ba", esplika.
Mário Carrascalão hateten katak iha inísiu hosi dékada 1980 Fretilin "lakon iha rezisténsia interna" no Xanana hatene kria movimentu unidade nasionál ida, “hodi hapara divizaun hothotu hosi Fretilin-UDT”.
"Fretilin hanesan alvu xaxina (nu’udar parte ne’ebé Indonézia hakarak oho hotu) hosi Indonézia. Líder hothotu fahe malu. No iha 1983, bainhira Fretilin ninia ema fahe malu, Xanana foti fali inisiativa hodi kria movimentu ba unidade nasionál, maka UDT", tenik.
"Momentu ida ne’ebé difisil tebes, tanba Xanana Gusmão, ne’ebé kombate hanesan Fretilin, sai fali komandante Falintil nian hodi la’os ona nu’udar brasu aramadu Fretilin, maibé hanesan brasu armada hosi rezisténsia nian”.
"Ema barak hatene no interesante liu maka movimentu hosi unidade nasionál ne’e la’os halibur de’it UDT, no maski lori UDT ba iha luta armada, maibé konsege hetan simpatia barak hosi Apodeti [Associação Democrática Popular Timorense], lainklui fundadór Apodeti nian, hanesan João Martins nomós sira seluk ne’ebé simpatiza ba luta armada, no kontra integrasaun", esplika.
Ho pasu iha 1983 no kapasidade hodi mantén liña refere, maski hanesan opozisaun interna no esterna - ba se maka hakarak mantén ho diresaun polítika-partidária no ideolojia – maka ikus mai hamosi hanoin ida katak “la’os Fretilin” mesak maka manan luta.
"Referendu maka sai nu’udar rezultadu ikus, ba saida maka Xanana kria iha 1983. Povu sira hamutuk. Iha 30-agostu populasaun populasaun sira laiha ona simptia karika ema ne’e hosi UDT, entaun kontra ka la’e. Loron 30 ne’e maka sai nu’udar rezultadu hosi konskuénsia ne’ebé Xanana halo iha 1983", insisti.
Ohin no hafoin mosu problema hanesan iha 2002, 2006 no 2008, Mário Carrascalão, insisti katak atu tenke rezolve problema hirak ne’ebé seidauk atu rezolve, inklui problema hosi sira ne’ebé iha 1999, lori ona ba Timór indonézia.
"Ami nia ema barak iha ne’ebá. Buat barak ne’ebé sira husik hela iha Timór, ema seluk maka okupa fali. Lagarante sira-ninia direitu. Dalaruma, halo sira labele fila duni, atu labele mai okupa fali buat hirak ne’ebé sai na’in ba sira rasik”, tenik.
"Karik iha sala, tenke lori ba julga iha tribunál. Maibé ema hirak ne’e la’o ba no mai hela no timor-oan rasik laiha hanoin katak, ema balun pró-integrasaun no seluk hanesan pró-independénsia", hanoin hikas.
Haree ba termu polítika, Mário Carrascalão hato’o parabéns ba esforsu balun tanba kria ona unidade nasionál iha tinan hirak ikus ne’e, maibé insisti katak problema barak ne’ebé mosu desde independénsia mosu karik “tanba sala bot hosi Nasoens Unidas nian ne’ebé orienta buat hotu, hodi fó de’it partidu ida maka domina, hanesan Fretilin".
"Ba Nasoens Unidas, Fretilin de’it maka iha no tanba ne’e maka nia kria kondisaun ida hodi halo transformasaun automátika hosi Asembleia Konstituinte iha Parlamentu no depois Governu ida ho maioria absoluta", hateten.
"Konsekuénsia hosi saida maka Nasoens Unidas halo maka sei sente to’o ohin loron. Governu mos oras ne’e daudaun, orienta ho sentidu ba futuru ida ne’ebé sei atu domina ho partidu ida de’it maka Fretilin. Orienta hela ho sentidu ida ne’e", konsidera.
Senáriu ida, insisti, atu “Xanana maka sei bele fila hikas fali ba líder Fretilin nian”.
"Ha’u lapreokupa ho ema seluk ninia hanoin katak, ida ne’e sei sai hanesan Estadu ne’ebé falla. Iha tempu atu koriji. Ha’u hakarak atu koresaun hothotu hala’o maibé laho ona sonfrimentu, no lafakar tan ran", hateten.
SAPO TL ho Lusa
Sem comentários:
Enviar um comentário