Governu Sei Prolonga Tan Deslutu Nasional

DILI – Liu husi reuniaun neebe mak halo entre membru governu foin lalais nee, deside katak sei kontinua prolonga tan deslutu Nasional, tanba nee sei la koremetan nasional neebe mak tuir planu sei halo iha loron 31 Dezembru tinan ida nee.

Informasaun nee fo sai liu husi Komisaun Organijadora Deslutu Nasional atual Ministru Estatal, Dionisio Babo, ba jornalista sira iha Palacio Governu, Sigunda (28/12).

Konaba deslutu nasional foin dadaun nee governu depois rona tiha hanoin barak neebe mak mai husi Parlamentu, Sosiade Sivil, Igreja no seluk tan deside atu fo tempu liu tan para ita bele halo reflesaun nomos hodi fo tempo ba maluk sira neebe mak kontinua buka halot restu mortais husi ita nia aswain sira, tanba nee mak hanesan Komisaun Organizadora ita fo tan tempu hodi hein diskusaun husi governu bainhira mak atu koremetan nasional,” dehan Babo.

Nia hatutan koremetan nee sei la halo iha loron 31 Dezembru tinan ida nee tuir planu, maibe Governu sei deside iha loron ida wainhira buat hotu lao ona tuir nia planu.

Iha fatin ketak tuir Akademiku, Bernado da Costa, hatete lolos nee seidauk tempu para atu koremetan nasional tanba iha restu mortais lubuk ida husi funu nain sira ou heroi sira nian neebe mate ba rai ida nee mak seidauk rekolha hotu, tanba tuir nia sedu liu wainhira governu deside koremetan iha tinan ida nee.

Nunee mos ho Diretor HAK, Manuel Monteiro, antes nee mos hatete povu barak mak sei moris iha susar, kiak no triste nia laran tanba deit lakon familia hanesan maun, alin, inan no aman tanba nee tuir nia hare seidauk merese governu atu halo deslutu nasional. Informasaun kompletu iha STL Jornal Suara Timor Lorosae