Emprezariu Timor Oan susar Asesu ba Kreditu, PN Promete Sei Aprova Lei Rai Iha Tinan 2016

DILI - Emprezariu Timor ona barak maka too oras nee seidauk asesu ba kreditu tamba Lei rai sei iha hela Parlamentu Nasional, fira katak bele aprova iha tinan 2016 nia laran, atu nunee bele fasilita emprezariu sira asesu ba kreditu iha banku.

Tuir Reprezentante povu iha uma fukun PN, Deputadu Arao Noe  hateten, too agora emprezariu Nasional sira seidauk asesu ba kreditu tamba deit problema rai neebe maka sei iha hela meza parlamentu, fiar katak sei aprova iha tinan 2016 nee nia laran atu nunee bele fasilita empreza sira asesu ba kreditu.

Hau hanoin Lei rai nee laos halo impede deit emprezariu nasiona atu asesu ba kreditu, maibe impede mos ema estranzetu neebe maka atu mai ho investementu iha Timor nee mos ema ulun moras, tamba status Lei rai nian sei pendent hela iha Parlamentu, hodi defikulta emprezariu sira laiha diretu ba kreditu, no lei rai nee iha ona maka empreza nasional sira bele lori deit sira nia dukumentus hodi asesu ba kreditu,” informa Deputadu Arao ba STL, Segunda (04/01/2016) iha nia knar fatin PN.

Nia informa, Banku sira neebe maka establese iha TL balun seidauk fo kreditu ba emprezariu nasional sira, tamba status rai seidauk los, no rai nee maka bele sai hanesan jaminan atu banku bele fo kreditu ba empreza halo buat ruma.

Iha fatin hanesan Deputadu Cesar Valente hatutan, tuir ajenda neebe maka Prezidente Parlamentu Nasional fo sai iha 2015 nia laran nee, tama ba 2016 ajenda prioridade neebe Parlamentu atu halo nee maka, Lei rai, Lei Anti Korupsaun, lei Komnikasaun Sosial no Lei Pensaun vitalisia. Informasaun kompletu iha STL Jornal no STL Web, edisaun Tersa (5/1/2016). Madalena Horta/Josefa dos Santos

Suara Timor Lorosae