La hetan Servisu, Joven Lamenta Liu Husi Krime Sosial

DILI - Krime neebe mak mosu iha rai laran durante loron boot natal no tinan foun, joven sira espresa sira nia lamentasaun liu husi krime sosial hemu tua provoka malu too baku malu inkliu mos krime sira seluk.

Tuir Deputadu Bankada PD Virgilio Hornai katak problema neebe akontese parte ida husi problema sosial neebe mak mosu kada tinan, tamba joven maioria lahetan servisu iha prestasaun sosial makas parte xamada joven sira nian.

joven sira espresa sira nian lamentasaun liu husi buka hemu tua ida nee fatin hotu akontese bele kontribui ba desturbu orden publiku, tan nee governu tenki hare hanesan fenomena sosial neebe presiza rezolve,” dehan Virgilio ba Jornalista, Segunda (04/01/2015) iha Parlamentu Nasional.

Nia hatete kada tinan Timor Leste produs numeru estudante neebe graduadu iha nivel sekundaria no universitariu, maibe asesu ba kampu merkadu servisu numeru kiik teb-tebes tan nee iha potensial hamosu konflitu sosiais.

Iha fatin hanesan Deputadu Bankada CNRT Cesar Valente hatete tinan foun nee ema barak selebra ho uniku, tamba okupa tasi ibun sira metin los maibe balun selebra ho tuda malu no tuku malu.

Nunee mos Prezidente Komisaun B asuntu Defeza Seguransa, David Ximenes hatete sidadaun baruk halo festa hodi hemu, nunee mosu tuda malu, rama Ambon, polisia sira mos halo over acting neebe mosu iha Bobonaro. Informasaun kompletu iha STL Jornal no STL Web, edisaun Tersa (5/1/2016). Timotio Gusmao

Suara Timor Lorosae