POVU OECUSSE KBIIT LAIHA SA’E BARCO RAPIDO

Povu Oecusse sira ne’ebe maka durante ne’e la sa’e Ro Barco Rapido, tanba sira la iha kbiit atu selu presu ro nian ne’ebe a’as liu.

Carlito Neno hatete, hanesan povu Oecusse ne’ebe mak sempre halo movimentu Dili Oecusse, durante ne’e sae deit ro Nakroma, tanba tuir nia presu Ro Nakroma naton oituan no tuir sira nia kbiit atu selu ba mai. Tan ne’e mak durante ne’e sira sa’e los deit mak Ro Nakroma.

‘’Nakroma ba mai ita selu U$ 8.00 depois selu tan deit ho sasan bo’ot sira ne’e, Ro Barco Rapido folin U$ 35, tan ne’e mak ami durante ne’e sa’e deit Nakroma,’’ dehan Carlito ba JN-Diário iha Portu Dili, Sesta (12/02/2016).

Iha fatin hanesan, Domingos Talo hatete, bainhira sira sa’e deit ro Nakroma ne’e tanba durante ne’e sira lori sasan barak ba mai, tan ne’e mak sira hili sae Nakroma i razaun seluk mak nakroma ho presu ne’ebe baratu, ro barco rapido folin as, lori tan sasan seluk ketak hotu, entaun sira la iha kapasidade atu sae barco rapido.

‘’ Maibe kuando urjenti iha Oecusse, entaun hakarak ka lakohi sira tenki sae ona ro barco rapido ne’e, tanba hakarak to lalais, maibe mak ne’e ami lori deit pasta ssasn seluk la lori ona, tanba lori sasan selu tan U$ 10,’’ esplika Domingos.

Iha parte seluk hatan ba preokupsaun ne’e, Sansao Gomes nain ba ro barco rapido hatete, ro barco rapido nia folin sa liu nakroma ne’e, tanba bazeia ba kualidade velosidade barco rapido ne’ebe mak Dili-Oecusse oras 3 deit.

‘’Nakroma nia velosidade neneik nia ro bot laos tula deit pasajeirus, maibe ho tan sasan bot la hensan ho barco rapido ne’ebe mak halai lalais tebes nia tula deit pasajeirus, nia estimsaun Oecusse Dili oras tolu 3 ne’e mak kualida aktividade negosio ne’ebe ami oferes ba pubiku ba, tan ne’e nia presu as liu Nakroma nian, tanba kualidade velosidade baseia ba kualidade ne’e mak nia presu as, hanesan ba klase ekonomia U$ 35 , klase turista U$ 45, klase VIP U$ 55,’’esplika Sansao.

Sansao informa mos katak, presu ne’ebe mak nia dehan ne’e desde ahu opersaun nia presu nune’e kedas sira la muda to agora, i oras ne’e dadaun mos sira komesa halo opersaun ona ba Atauro ho presu ba mai U$ 30, ba U$ 15 mai fali mos U$ 1, tan ne’e iha oportunidade be’e nia esplika katak, opersaun ba Atauro ne’e hahu iha sabdo semana kotuk ne’e, tan ne’e liu husi media bele hatutan informasaun ba publiku katak, barco rapido mos hahu halo ona operasaun ba Atauro. Nia

Jornal Nacional