Normal Koligasaun CNRT-PD Naksobu

DILI – Bloku koligasaun neebe mak hari husi partidu CNRT, PD nomos Frenti Mudansa sei la too rohan, tanba tuir informasaun neebe mak espailla iha publiku CNRT sei tebe sai PD husi bloku neebe mak hari ona durante tinan 4 nia laran hodi kaer hamutuk ukun.

Tuir Diretor Ezekutivu NGO Luta Hamutuk, Mericio Akara, ba STL iha nia servisu fatin Farol Sigunda (14/03/2016) hatete normal kuandu koligasaun CNRT-PD naksobu maibe hare husi etika politiku ladun respeita malu.

Normal koligasaun CNRT-PD naksobu tanba nee akontese ona iha rai barak maibe hare ba etika politika nee la respeita malu ona tanba sira mak hari hamutuk bloku depois CNRT hetan fali kolega seluk entaun tebe sai fali PD tanba se PD laiha CNRT labele forma governu tanba iha tempu susar CNRT persija PD maibe depois hetan kolega foun tebe sai fali PD nee halo kanek PD nia laran,” hatete Akara.

Nia mos hatutan wainhira CNRT tebe sai duni PD husu bloku koligasuan neebe mak hari hamutuk ona iha tinan hira liu ba, maka sei fo mos impaktu ba ejekusaun orsamentu estadu tanba PD nia ema mos barak involve iha sestu governu nia laran.

Iha fatin ketak tuir observador politika husi NGO Asia Justice and Rights (AJAR), Inocencio Xavier, mos hatete koligasaun neebe mak hari husi partidu 3 nee la solidu wainhira hasai malu iha dalan klaran, maske iha diferensia idea maibe persija lao hamutuk too remata. Informasaun kompletu iha STL jornal no STL Web, edisaun Tersa (15/3/2016). Thomas Sanches

Suara Timor Lorosae