Seidauk Diskute LAK, Sosiadade Sivil Konsidera PN Halo Promesa Falsu

DILI – Lei Anti Korupsaun (LAK) neebe maka Komisaun Anti Korupsaun (KAK) hatama ba iha Parlamentu Nasional (PN) tinan hirak liu ba, too oras nee seidauk diskute husi membru deputadu husi partidu 4 neebe mak hetan asentu iha PN.

Tuir observador politika husi Organijasaun Non Govermental Asia Justice and Rights (AJAR), Inocencio Xavier, ba STL iha nia servisu fatin Farol, Sigunda (14/03/2016) hatete membru Parlamentu Nasional halo ona promesa falsu ba publiku.

Membru deputadu iha terseira lejislatura ne ami konsidera hanesan harmoko (hari-hariomong kosong), no ita nia pergunta mak nee iha terseira lejislatura PN halo ona lei hira? Agora sira nia mandatu atu remata tan ona maibe la halo buat ida maske iha partidu ida rua mak hatama ona ninia proposta tanba nee kuandu iha intrese nasional maka tenke tau perioridade ba lei KAK no seluk tan labele halo deit promesa falsu mak barak,” dehan Inocencio.

Nia hatutan laos deit lei KAK maibe inklui mos lei ba rai nomos lei ba pensaun vitalisia neebe mak too oras nee sei kontinua budu hela iha meja PN, maske publiku tomak halo ona kritika direira no indireita.

Iha fatin ketak tuir Diretor Ezekutivu Luta Hamutuk, Mericio Akara, katak PN tenke tau perioridade ba lei sira neebe mak importante tebes, hanesan lei KAK tanba laiha lei ba KAK maka servisu KAK nia sei la forte. Informasaun kompletu iha STL jornal no STL Web, edisaun Tersa (15/3/2016). Thomas Sanches

Suara Timor Lorosae