Jornal
Nacional, editorial
Sarani
katolika iha mundo tomak domingo liu ba selebra misa domingo ramos. Selebrasaun
domingo ramos hodi relembra Nai Jesus Kristus tama iha sidade Jerusalem molok
terus no mate iha kruz.
Jesus
Kristus tama iha sidade sakral Jerusalem nudar momentu importante tamba
akontese molok Jesus Kritus mate iha kruz no moris hias hodi salva ema maksalan
sira, ne’ebe domingo ramos nee hanesan hahu semana santa.
Saida
mak aitahan ramos nee? Ramos nudar siombolu vitoria, ramos nudar simbolu heroi
iha mate nia leten ( martir atas kematian) Nai Jesus Kritus sempre hatudu
relasaun aitahan ramos nudar simbolu vitoria, sala no mate.
“Wainhira
ita hahú tempu koaresma, ita hahú hadia a’an hodi halo penetensia no karidade,
hamutuk ho kreda tomak, ita halibuar a’an hamutuk iha ne’e hanoin
loron Paskoa, loron Nai Jesus Kristus hetan terus mate moris hias, ohin
(horseik) Nai Jesus Kristus tama iha Jerusalem atu halo misteriu paskoa nian
ne’e, ohin loron ita ho laran nakloke atu hanoin tuir loron ida ne’e nia
hanorin, ita la’o tuir nai Jesus Kristus nia ain fatin terus ho nia atu loron
ida moris hias ho nia,” Pe.Guilhemino da Silva.
Ohin
loron nee sarani katolika hahu semana santa, semana nebe sarani sira prepara an
ho fuan mos, laran mos, lahalo sala hodi simu paskoa, loron nebe Nai Jesus
Kristus mate iha kruz no moris hias.
Agor
saida mak ita sarani sira halo iha semana santa? Ita ida idak perepara an ho
fuan mos, laran mos no hakbik salan hotu hotu, tantu sala hasoru Nai Maromak,
sala hasoru entre ita ema.
Iha
semana santa nee, ita ida idak halo reflesaun ba ita ida idak ninia an, refleta
saida mak ita halo tiha ona no mos aproveita semana santa nee halo penetensia
no kariedade.
Durante
semana santa nai maromak koko too nebe ita nia fiar Nai maromak, too nebe ita
fiar nudar sarani Katolika ida. Sai sarani nebe diak laos iha ibun tutun deit,
kokretiza iha realidade.
“Keta
halo ita naran Katolika, ibun temi ita nia a’an ema sarani, maibe
ita nia hahalok, ita nia liafuan lalao hanesan ho ita nia identidaade ate ita
trai nai Jesus nia dutrina no nia ukun fuan, dala ruma hedi Jesus ba krus tanba
ita nia liafuan ita nia hanoin no ita nia hahalok,” Pe Guilhermino
da Silva.
Paskua
nudar pontukoluminasaun husi Nai Jesus Kristu ninia mate no moris hias. Jesus
Kristu mate iha kruz atu salva ita, Jesus kristu mate iha kruz atu soin ita.*
Sem comentários:
Enviar um comentário