INSIDENTE IHA BECORA, DESKONFIA INVOLVE HOSI OKNUM POLTRAZ

DILI – Deskonfia membru Polísia Tranzitu Distritu Díli ho inisial OC Alias KJ lidera massa hodi tenta halo asaun anarkismu iha Suku Becora Aldeia Romit iha Sábadu kalan.

Tuir keixa ne’ebé Timor Post asesu husi vítima JMX katak iha loron Sábadu, 12 Marsu 2016 horas tuku 9:45 kalan, nia Ama haruka nia ho nia alin ida ba kios atu sosa super mie hodi halo modo kalan nian.

Fila husi kios akontese problema ida iha Aldeia Cova, fatin Polisia OC hela ba. La’o to’o dalan klaran, OC hakuak metin hodi hodi husu nia grupu sira katak hare fila ona. Lakleur de’it ema tuda kanek joven ne’e nia ulun iha parte sorin karuk hodi rezulta suku to’o pontu 5 iha klinika Vera Cruz Caicoli Dili.

Timor Post asesu, Domingo (13/03). Fonte ne’e haklaken, OC mak futu lia no organiza massa atake JMX, maibe sira hakanek deit JMX nia ulun parte karuk. Polisia OC durante SL nia oan mane Ab mak durante ne’e kria instabilidade iha Suku Becora, Aldeia Romit no Aldeia Cova. 

“Hafoin tuda tiha ha’u, Polisia OC halai lakon tiha no ha’u mós halai ba ha’u nia uma. To’o ne’eba, hakfodak mai ema ida(inisial L) funsionariu EDTL ho nia oan naran Ab Ne’ebé hela iha Aldeia Coba, Suku Becora lori Polisia nain tolu mesak nia familia de’it. Polisia nain tolu ne’e mak kompostu husi L nia maun, nia tiun no subirnho. Sira ne’e mesak Polisia hotu de’it,” esplika vítima JMX iha nia keixa ne’ebé planeia atu dirije ba instituisaun relevante sira ohin Segunda, 14 Marsu 2016.

Nia hatutan, bainhira to’o iha nia uma, sira (Polísia) nain 3 la proteze nia nu’udar vitima, maibé atu ka’er fali.

“Nune’e, ha’u hatete ba Polisia nain 3 ne’e katak, ha’u ne’e vitima. La’os autor ka problema nia nain,” nia esplika.

“Ha’u hakarak akresenta katak, normalmente kuandu mosu problema ruma iha Aldeia Romit, Polisia OC mak sempre hamrik iha oin no iha kalan ida, lahatene se loos mak tuda nia uma, teki – teki nia hamutuk ho Polisia Tasck Force ba buka ha’u nia alin ida iha uma ho rajaun ha’u nia alin ne’e mak tuda nia uma, maibé realidade hatudu ha’u nia alin ne’e toba hela iha uma,” nia komenta.

Nia konsidera atitude Polisia OC iha kalan ne’e hatudu nia atitude la’os hanesan PNTL Ne’ebé ezekuta lei no orden, maibé hatudu fali atitude hanesan bandidu ka bandalizmu.

Timor Post