Erupsaun vulkánika iha Indonézia hafalun aldeia barak ho suar-metan

Ekipa resgate indonézia nian ohin buka tuir ema sira ne’ebé sei moris, hosi aldeia ahi-haan nomós kampo agríkola ne’ebé hetan estraga, hafoin mosu erupsaun, hodi hasa’i suar-metan no gás, no hamate ema hitu no hakanek mos ema barak. 

Testamuña sira dehan katak populasaun hothotu pániku, bainhira suar no gás ne’ebé sai hosi Foho Sinabung, iha illa Sumatra, sábadu foin daudaun.

Manas ne’ebé atinji to’o temperature 700ºC, haan ona uma nomós toos barak.

Agustatius Sitepu, xefe ezérsitu iha Karo, distritu ne’ebé iha situa vulkaun refere, estraga buat barak, tanba ne’e maka ekipa resgate sira buka lalais atu konsege hetan ema ne’ebé sei moris.

“Rezidente sira ne’ebé konsege moris, hala’i ho pániku, no buka atu salva-aan. Ema na’in sanulu de’it. Sira tauk tebtebes. Suar-metan taka sira-metin”, haktuir ba AFP.

Erupsaun ne’e maka’as tebes, tanba ne’e maka fatin ho distánsia kilómetru 12 mos falun ho suar-metan.

Agrikultór ne’ebé sira-ninia toos tama iha “zona perigu” – área ho kilómetru haat ba Sinabung, ne’ebé autoridade sira bandu atu latama – maka hetan afeta maka’as.

Hetan ona mate-isin neen horisehik, no tolu seluk lori ona bá ospitál tanba ahi haan maka’as sira-ninia isin. Maski nune’e hosi na’in tolu, ida maka mate kedas horisehik kalan, tanba ne’e númeru hosi ema ne’ebé mate aumenta ba hitu.

SAPO TL ho Lusa – Foto: EPA@Dedi Sahputra