EUA hakarak reforsa kooperasaun ho Timor-Leste

Estadus Unidus manifesta horisehik intensaun atu reforsa kooperasaun ho Timor-Leste, konsidera katak nasaun ne’e kontinua konstroi instituisaun demokrátika "forte no estável", iha mensajen ida hodi komemora aniversáriu restaurasaun independénsia ba dala 14.

"Ami ansiozu hodi reforsa ami-nia kooperasaun iha tinan oin no apoia Timor-Leste, ne’ebé kontinua konstroi instituisaun demokrátika forteno estável", refere, iha mensajen kona-ba  aniversáriu restaurasaun independénsia nasaun ne’e nian ba dala 14, ne’ebé sei komemora iha loron-sesta, sekretáriu Estadu norte-amerikanu, John Kerry.

Tuir governu norte-amerikanu, Timor-Leste "hasoru no supera" dezafiu signifikativu barak, hosi ne’ebé hatudu katak "adezaun ba prinsípiu demokrátiku bele garante seguransa nasaun nian no proteje liberdade individuál".

"Rezolve konflitu sira ho pás sai marka Timor-Leste nian, buat ne’ebé klaru sei fortalese esforsu hodi konstroi futuru ne’ebé prósperu liu ba timoroan hotu", hatutan mensajen ne’e.

SAPO TL ho Lusa