Opsaun neebe CNRT Fo Ba PD Laos Lei

DILI - Membru Parlamentu Nasional husi bankada CNRT Cesar Valente hatete, opsaun rua neebe maka Partidu CNRT fo ba Partidu Demokratiku nee laos lei.

Nia hateten partidu CNRT nia hare durante nee membru PD nia dedikasaun mai husi partidu nee serve duni interese komum ka lae, Ida nee maka fo opsaun rua nee.

Ami tenki hakruk ba desijaun CPN nian neebe fo opsaun Ida katak PD tenki sai husi Governu no opsaun segundu sira tenki deklara independente,I opsaun neebe ami fo nee laos lei Ida neebe mak ami fo,maibee nee opsaun duni,” dehan deputadu Cesar ba STL, iha PN, Dili, Kuarta (25/05/2016).

Membru PD tuir Cesar, gasta deit Orsamentu Estadu neebe ikus mai Governu tomak tenki hetan kritika, no halo Prezidente Partidu CNRT maka lori todan.

Iha fatin hanesan Xefi bankada PD deputada Maria Lourdes Bessa hatete, problema CNRT nian sira PD lahatene, membru PD iha Governu mantein servisu hodi mantein estabilidade Governativa no politika, saida maka sira halo tiha ona.

Nia hatete, falta tinan Ida deit neebe sira sei mantein servisu nafatin, se Primeiru Ministru laadmiti sira labele kontinua servisu, se PM admiti sira sei kontinua servisu ba PM ho sira nia responsabilidade tomak ba programa neebe maka aprova tiha ona. Carme Ximenes

Suara Timor Lorosae