DILI
- Tribunal Distrital Dili (TDD) halao julgamentu ba autor nain lima neebe
deskonfia naok mina Eletrisidade de Timor Leste (EDTL) ho litru 8000 iha 2004
liu ba.
Liu
husi audensia julgamentu tribunal lee sai akuzasaun husi ministeriu publiku
(MP) katak iha loron (19/11/2004) tuku 11:15 iha Comoro arguidu Estevao Joaquem
hanesan kondutor tanki mina nian, Gilson Venansio da Costa nudar ajudante
kondutor arguidu Estevao, arguidu Aleixo no Fernando da Costa nudar
fungsionariu publiku EDTL, no arguidu Paul Martins nudar vendedor ba mina
refere. Arguidu nain lima naok mina gazoel EDTL ho litru 8000 hodi ba faan ba
arguidu Paul Martins ho folin $7500.
Arguidu
sira foti mina husi EDTL ou Pertamina Comoro ho kareta camino numeru matrikula
50551 TL tula mina litru 16000 ba iha EDTL Comoro hasai deit litru 8000. No
litru 8000 arguidu sira lori hodi transfere ba kareta ho numeru matrikula 51764
TL iha Delta 1 ho intensaun atu faan. Bainhira arguidu sira transfere hela,
polisia ba halo kapturasaun ba arguidu sira. Arguidu sira halo hahalok nee ba
dala tolu ona, primeiru iha fulan Setembru 2003 faan ho folin $8000. Tuir fali
iha Novembru 2003 faan ho folin $ 8000, no ikus mak iha Novembru 2004 faan ho
osan $7500. Ho arguidu sira nia hahalok nee, ministeriu publiku akuza ho krime
furtu agravadu neebe previstu iha kodigu penal TL.
Hatan
ba akuzasaun nee arguidu Estevao Joaquem hatete, akuzasaun nee balun los no
balun lalos. Los duni nia mak lori kareta naok mina gazoel litru 8000 nee, laos
ho kareta 50551 maibe ho kareta 51764. Mina nee tula husi Pertamina Comoro
hamutuk litru 1600, lori mai iha EDTL Comoro hasai deit litru 8000. No litru
8000 mak lori mai iha Delta 1 tau iha arguidu Venansio nia primu nia uma neemak
polisia mai kaer no lori mina sira nee ba fali iha EDTL.
Iha
fatin hanesan arguidu Venansio hatete, los duni naok mina iha EDTL ho intensaun
atu faan. Momentu nee nia ho arguidu Estevao transfere hela mina iha Delta 1
mak polisia ba kaer sira iha fatin. Tempu nee seidauk hanoin atu lori ba faan
los ba se, la hanoin atu faan ba arguidu Paul. Domingas Gomes
Suara
Timor Lorosae
Sem comentários:
Enviar um comentário