Ha’u Nia Fatin-Ikus iha Fatumaca

Ha’u iha Timor-Leste tanba vokasaun. Ha’u nia tinan 60 resin ona. Ha’u la la’o ona. Ha’u nia fatin ikus prepara ona iha Colegio Fatumaca.

Padre Elígio Locatelli, SDB, ema Itália, moris iha Bretonvillers (França), iha loron 07 fulan Fevereiro tinan 1937 ne’e fó nia kontribuisaun ba Timor-Leste nia luta ba ukun rasik-án no durante ne’e liu-hosi fó formasaun ba labarik sira iha eskola tekniku vokasional Fatumaca no hakbesik-án ba povu Fatumaca hodi ajuda povu sira iha moris lor-lorn nian.

Ho ninia kontribuisaun hahú hosi luta ba Timor-Leste nia autodeterminasaun too ohin loron sei luta nafatin ba formasaun ba timoroan sira atu sai matenek, maka iha aniversariu Restaurasaun Independensia RDTL ba dala-14 iha Gleno-Ermera, Prezidenti da Repúblika Taur Matan Ruak fó apresiasaun ka kondekorasaun ba Pe. Elígio Locatelly, SDB, hodi simu Grande Colar com Ordem Timor-Leste.

“Kondekorasaun ne’ebé ohin simu ne’e, la’os mai ha’u maibé ba familia Salesiano tomak, liu-liu ba antigus alunus barak ne’ebé hahu hosi 1975 to’o agora serbisu maka’as, tuir duni hanorin ne’ebé ami buka fó ba sira,” dehan Pe. Elígio Locatelli, SDB, ho hamnasa midar hafoin serimonia Restorasaun Indepedensia ba dala-14 iha Munisípiu Ermera.

Tanba ne’e, Pe. Locatelly hato’o lia menonn ba antigus alunus Salesiano no ba sarani sira iha Timor-Leste katak labele laran malirin hodi luta ba ema nia moris di’ak no labele husik igreja.

“Ohin loron, sarani barak baruk atu ba igreja. Hanesan iha parte Loromonu mai ne’e bsei diak. Maibé iha Lorosa’e ne’eba ne’e, igreja sira mamuk hela no buat ne’e fó impaktu negativu los atu la’o ba oin. Ha’u senti triste tebes ho sarani sira ne’ebé nunka hakbesik-án ba igreja,” haklaken Pe. Locatelli ho esperansa be klean.

Amo ho naran istimadu Amu Noko, Amo Nokoteli, Amo Nokatelli, no Amo Luka ne’e hatete la’os iha problema mak foin sadere ba maromak maibé halo fasil no halo diak mak husik maromak ba kotuk. Nia dehan, vida sarani fraku la halimar, ne’e hanesan frekuensia. Oh, Caramba Me! (Júlia)

Matadalan