Labarik
no adolesente besik millaun 124, liu millaun rua kompara ho
2011, maka hetan impedimentu atu ba eskola, tanba lei
diskriminatóriu, propinas sa’e ka violénsia, tuir
relatóriu ne’ebé fó sai iha ohin hosi Human Rights Watch (HRW).
Ho
nia títulu "O Défice Educacional: Falhas na Proteção e Cumprimento do
Direito à Educação nas Agendas Globais de Desenvolvimento", relatóriu ne’e
rekoñese progresu balun relasiona ba polítika internasionál no
rejionál, ne’ebé lori labarik millaun sanulu resin tama ba ensinu báziku no
labarik feto barak ne’ebé kontinua nafatin iha eskola to’o ensinu sekundáriu.
Maski nune’e, iha progresu ne’e " husik ba kotuk labarik no foinsa’e millaun resin", bele haree iha dokumentu pájina 85, ne’ebú públika iha loron hirak liubá hosi governu, desizór polítiku globál no ajénsia finansiadór iha reuniaun Noruega nian hodi adota medida ne’ebé bele hadi’a asesu no kualidade edukasaun iha mundu.
Labarik no adolesente sira barak liu maka hetan risku abandona eskola no barak enfrenta kondisaun aprendizajen laadekuadu, konklui relatóriu organizasaun defeza direitus umanus, ne’ebé bazeia ba investigasaun maka realiza iha nasaun sira liu 40 durante dékada rua.
Kulpa "défise edukasionál" ne’e governu nian, ba ida ne’e kabe ba responsabilidade atu garante katak laiha labarik ka ou foinsa’e sein edukasaun, no falta atu foka, tantu iha aplikasaun nomós konteúdu, iha ajenda ba dezenvolvimentu kona-ba obrigasaun direitus umanus governu nian, akuza organizasaun, ne’ebé ho sede iha Londres.
"Impensável katak iha 2016 labarik no adolosente millaun resin iha mundu tomak nega direitu ba edukasaun", informa Elin Martínez, investigadora kona-ba direitu labarik iha HRW.
Tuir investigadora ne’e, "monitorizasaun ida fraku no falta iha polítika kontra diskriminasaun ne’ebé atruibui ba responsável sira poder ida ilimitadu liu hodi deside sé maka bele liuhosi oda-matan eskola no sé maka bele hela iha liur".
Maski nasaun membru 196 ONU konkorda ona tratadu ne’ebé obriga atu garante edukasaun ba labarik hotu iha sira nia territóriu, nasaun barak, entre sira maka Repúblika Kongo no Áfrika do Sul, kobra propina ne’ebé família sira labele selu.
Kustu sira assosiadu ba edukasaun iha ensinu sekundáriu impede adolesente millaun barak latermina pelumenus eskolaridade tinan sia nian iha nasaun, hanesan ezemplu, Bangladesh, Indonézia no Nepal.
Violénsia relasionadu iha eskola afeta labarik liu millaun 246, tuir Unicef.
Kastigu korporál sira iha eskola, hamosu impaktu ida negativu ba kapasidade labarik nian iha prosesu aprendizajen, kontinua legál ka prátika abituál iha nasaun sira hanesan Tanzánia, Áfrika do Sul no estadu barak norte-amerikanu nian.
Iha moos fatór ne’ebé halo labarik feto sira sai hosi eskola, hanesan abuzu sexuál no violénsia hosi parte professór no kolega sira, teste virjindade abuzivu, teste gravidez obrigatóriu no regra ne’ebé hasai feto isin-rua iha eskola.
Kazamentu infantil kontribui hodi laasesu ba edukasaun ho kualidade iha nasaun sira hanesan Bangladesh, Nepal, Tanzánia ka Zimbabué, maibé moos rezulta hosi falta asesu iha edukasaun.
Besik labarik feto millaun 34 lahala’o estudu iha ensinu sekundáriu no HRW estima katak labarik feto millaun 24 nunka mai tama iha eskola.
Populasaun balun desfavoresidu, liliu labarik millaun 93 menus hosi tinan 14 ne’ebé iha 2011 Organizasaun Mundiál Saúde estima moris iha defisiénsia moderada ka severa.
Iha moos aumentu ba númeru labarik sira ne’ebé moris iha situasaun krize umanitáriu no konflitu ho tempu naruk ne’ebé maka impede sira atu asesu ba edukasaun, tamba eskola sai fali fatin inasessível ka inseguru.
Besik labarik millaun 29 hadook-an hosi eskola tamba konflitu no deslokasaun, inklui "jerasaun perdidu" ba labarik síriu oan sira, hosi sira millaun 2,1 latama eskola iha Síria no besik millaun ida iha nasaun viziñu sira, ne’ebé moris hanesan refujiadu.
SAPO TL ho Lusa
Maski nune’e, iha progresu ne’e " husik ba kotuk labarik no foinsa’e millaun resin", bele haree iha dokumentu pájina 85, ne’ebú públika iha loron hirak liubá hosi governu, desizór polítiku globál no ajénsia finansiadór iha reuniaun Noruega nian hodi adota medida ne’ebé bele hadi’a asesu no kualidade edukasaun iha mundu.
Labarik no adolesente sira barak liu maka hetan risku abandona eskola no barak enfrenta kondisaun aprendizajen laadekuadu, konklui relatóriu organizasaun defeza direitus umanus, ne’ebé bazeia ba investigasaun maka realiza iha nasaun sira liu 40 durante dékada rua.
Kulpa "défise edukasionál" ne’e governu nian, ba ida ne’e kabe ba responsabilidade atu garante katak laiha labarik ka ou foinsa’e sein edukasaun, no falta atu foka, tantu iha aplikasaun nomós konteúdu, iha ajenda ba dezenvolvimentu kona-ba obrigasaun direitus umanus governu nian, akuza organizasaun, ne’ebé ho sede iha Londres.
"Impensável katak iha 2016 labarik no adolosente millaun resin iha mundu tomak nega direitu ba edukasaun", informa Elin Martínez, investigadora kona-ba direitu labarik iha HRW.
Tuir investigadora ne’e, "monitorizasaun ida fraku no falta iha polítika kontra diskriminasaun ne’ebé atruibui ba responsável sira poder ida ilimitadu liu hodi deside sé maka bele liuhosi oda-matan eskola no sé maka bele hela iha liur".
Maski nasaun membru 196 ONU konkorda ona tratadu ne’ebé obriga atu garante edukasaun ba labarik hotu iha sira nia territóriu, nasaun barak, entre sira maka Repúblika Kongo no Áfrika do Sul, kobra propina ne’ebé família sira labele selu.
Kustu sira assosiadu ba edukasaun iha ensinu sekundáriu impede adolesente millaun barak latermina pelumenus eskolaridade tinan sia nian iha nasaun, hanesan ezemplu, Bangladesh, Indonézia no Nepal.
Violénsia relasionadu iha eskola afeta labarik liu millaun 246, tuir Unicef.
Kastigu korporál sira iha eskola, hamosu impaktu ida negativu ba kapasidade labarik nian iha prosesu aprendizajen, kontinua legál ka prátika abituál iha nasaun sira hanesan Tanzánia, Áfrika do Sul no estadu barak norte-amerikanu nian.
Iha moos fatór ne’ebé halo labarik feto sira sai hosi eskola, hanesan abuzu sexuál no violénsia hosi parte professór no kolega sira, teste virjindade abuzivu, teste gravidez obrigatóriu no regra ne’ebé hasai feto isin-rua iha eskola.
Kazamentu infantil kontribui hodi laasesu ba edukasaun ho kualidade iha nasaun sira hanesan Bangladesh, Nepal, Tanzánia ka Zimbabué, maibé moos rezulta hosi falta asesu iha edukasaun.
Besik labarik feto millaun 34 lahala’o estudu iha ensinu sekundáriu no HRW estima katak labarik feto millaun 24 nunka mai tama iha eskola.
Populasaun balun desfavoresidu, liliu labarik millaun 93 menus hosi tinan 14 ne’ebé iha 2011 Organizasaun Mundiál Saúde estima moris iha defisiénsia moderada ka severa.
Iha moos aumentu ba númeru labarik sira ne’ebé moris iha situasaun krize umanitáriu no konflitu ho tempu naruk ne’ebé maka impede sira atu asesu ba edukasaun, tamba eskola sai fali fatin inasessível ka inseguru.
Besik labarik millaun 29 hadook-an hosi eskola tamba konflitu no deslokasaun, inklui "jerasaun perdidu" ba labarik síriu oan sira, hosi sira millaun 2,1 latama eskola iha Síria no besik millaun ida iha nasaun viziñu sira, ne’ebé moris hanesan refujiadu.
SAPO TL ho Lusa
Sem comentários:
Enviar um comentário