sábado, 18 de junho de 2016

TEBE SAI TIBO, KARKETU KONTINUA OPTIMISTA


Jogador estrela husi estranjeiru, Indonesia Titus Bonai (TIBO) sei la haforsa line up, maibé Karketu Dili FC optimista hadau vitória husi DIT FC, husi jogu kontinuasaun primeiru divizaun kampionatu Liga Futebol Amadora (LFA) Timor Leste (TL), ne’ebé mak ekipa rua ne’e sei hasoru malu ohin Sesta (17/06), iha tuku 16:30 OTL, iha Estadíum Munisipal Dili.

Ekipa Karketu Dili FC, ba dahuluk sei la haforsa jogador estrela husi Papua, Indonesia Titus Bonai, Jogador (TIBO) ne’e rasik hanesan pillar importante ba ekipa Karketu tanba jogador profisional ne’e sempre sai determinsaun ba vitória ne’ebé Karketu hetan durante iha kompetisaun Primeiru divizaun.

Karketu Dili FC rasik lakon jogador estranjeiru TIBO tamba manajementu klubu foti desizaun hodi hakotu kontratu ba TIBO tamba indisiplinar ne’ebé jogador ne’e halo durante hetan kontratu ho Karketu Dili FC.

Treinador Karketu Dili FC, António Timotio esklarese, Karketu bele joga sein TIBO, tanba iha jogadores di’ak Timoroan mak substitui TIBO.

“Hau senti TIBO hanesan jogador professional maibé manajementu nia desizaun, Hau nudar treinador prepara deit jogador. Karketu falta duni TIBO maibé hau nafatin fo korazem ba jogador seluk liliu jogador lokal ne’ebé iha para bele iha mental hodi hatudu kualidade jogu,” dehan Timotio iha knar fatin Oesindu, Kinta (16/06/2016).

Nia hatutan katak, oras ne’e dadaun iha ona jogador lokal neebe subtitui ba TIBO nia fatin, maibé atu hatene jogador neebe mak subtitui TIBO, wainhira joga kontra DIT mak ita hotu hare.

Iha fatin seluk Direktur Tekniku DIT FC Francisco Cosme mos rekuinese katak, durante TIBO iha Karketu nia nudar jogador ne’ebé ho presaun ba adversariu (lawan-red) nune’e halo konfuzaun treinador sira atu kontrola Karketu nia jogu.

“Duet entre Patrick no TIBO halo presaun psikologia bo’ot ba hau nudar treinador, entre TIBO no Partrick, TIBO nudar jogador ne’ebé movel no badinas nune’e halo hau konfuzaun atu antisipa ba kontra atake ne’ebé Karketu kria.” katak Francisco Cosme iha nia Knár fatin DIT fomentu Dili, Kinta (16/06/2016)

Nia hatutan katak, maske TIBO la iha (Line up-red) maibé Karketu sempre nafatin ho jogador onje pessoas (nain 11), karik Karketu rasik sei la iha ameasa hanesan uluk wainhira TIBO sei joga, nune’e ami mos sei nafatin antisipa (tauk sai boomerang ba ami-red) tanba kada jogu ekipa sempre iha jogador 11 pessoas ne’ebé joga iha kampu.ito

Jornal Nacional

Sem comentários: