DILI
- Prezidente Tribunál Rekursu (PTR) Guilhermino da Silva, konsidera karta
aberta hosi Asosiasaun Combantentes Brigada Negra (ACBN) ne’ebé akuja nia
prátika nepotizmu iha prosesu rekrutamentu funsionárius, prátika iregularidades
no fó projetu ba família no belun sira, ne’e hanesan lia bobar.
“Informasaun
ne’e lalo’os, no bobar ba ha’u. Tan funsionáriu sira ne’ebé servisu iha
Tribunál Rekursu hot-hotu tuir rekrutamentu ne’ebé hetan selesaun hosi
Komisaun Funsaun Públiku. Ba ha’u konsidera informasaun ne’e, lia
bobar ida no laiha provas,” afirma Guilhermino ba Timor Post,
Segunda (04/07), iha nia kna’ar fatin Matadoru, Dili.
Entrenatu
tuir Karta Aberta ACBN husu ba Ministériu Públiku, Komisaun Antí Korupsaun no
Komisaun Funsaun Públiku atu loke investigasaun porfunda ba prátiku hotu kontra
bandu iha Tribunál Rekursu.
Maske
nune’e, Guilhermino hatete, lia bobar ne’ebé ACBN fó sai ne’e xoke tebes
nia pesoal no nia konsidera hanesan defamasaun boot ida. Tanba ne’e, nia sei
levanta kestaun ne’e tuir prosesu normal atu deskobre lolo’os verdade.
Guilhermino
rejeita total akuzasaun ACBN katak nia simu osan hosi projetu dezeñu
kontruksaun ba edefísiu Tribunal Baucau no Dili hamutuk US$ 65.000,00.
Guilhermino
dehan, total osan ba projetu ne’e tuir dadus ACBN nian katak US$ 400.000,00
ne’e mos sala bo’ot, tanba lolo’os ne’e osan ba prjetu ne’e la to’o US$
300 .00 resin.
“Valor
osan dehan ha’u simu falsu, agora dezeñu sei iha prosesu nia laran.
Kompañia Alfa Sam la’ós ha’u nia família. Projetu dezeñu sira manan
tan tuir konkursu públiku liuhosi aprovizionamentu. No antes iha eis Prezidente
Claudia Ximenes nia tempu, projetu fó ba malu, mais iha ha’u nia tempu
projetu tenke liuhosi konkursu públiku,” hatete Guilhermino.
Purtantu
Diretór Judisiario Monitorin Program (JSMP) Luis Sampaio, subliña, forma
ida ACBN halo ne’e, forma ida manifestasaun sira nia direitu
demokrátiku hodi hato’o sira nia hanoin relasiona ho saida maka sira
hetan.
Maibé
bainhira liga ho kestaun kriminál, iha indisius kriminal ruma,
lolo’os ACBN tenke aprejenta keixa eskrita ho provas ba instituisaun
relevante sira. Agora ko’alia ba kazu abuzu poder, nepotimus , korupsaun,
intetuisaun relevante atu investiga maka Komisaun Anti Korupsaun (KAK).
Karta
Aberta ACBN
Entretantu
tuir karta aberta ACBN ne’ebé Timor Post asesu iha semana kotuk deskreve dadus
barak kona-ba hahalok Prezidente Tribunál Rekursu nian dezde asumi kna’ar
kuartu órgaun estadu ne’e.
Iha
karta aberta ne’e, haktuir, iha tinan 2015, Prezidente Tribunal Rekursu haruka
loke konkursu ba halo dezeñu ba edefísiu ba Tribunal iha Baucau ho Dili. Staff
halo konkursu, aprejenta lista kompañia rua (2) ba Prezidente Tribunal
Rekursu la simu. No haruka loke fali konkursu foun no ikus mai Prezidente
Tribunal Rekursu hili kompañia ho naran Alfa Sam. Maibé to’o data determinadu
kompañia la hatama dezeñu. Ikus-ikus ne’e mak kompañia foin hatama dezeñu
Tribunal Dili nian, maibé Prezidente Tribunal Rekursu asina ona dokumentu
pagamentu nian, tanba kompañia ezije tenke selu ona pagamentu tuir folin dezeñu
hamutuk US$400.000,00, tanba kompañia dehan durante hala’o servisu ne’e lakon
ona osan.
“Afinal,
lakon osan ne’e tanba selu tiha Dr. Gulhermino US$65.000,00. Sr. Manuel
Sarmento, Defensor Públiku, mak simu no asina, ho subriñu Dr. Guilhermino nian
ida sai nu’udar sasin. Manuel Sarmento ho Dr. Guilhermino sei kompadre,”
haktuir iha karta aberta ne’e.
Iha
karta ne’e, Brigada Negra preokupa tebes tanba sira fi’ar dezeñu ba Tribunal
Baucau mos liu tiha ona data determina, maibé kompañia iha tempu badak bele
kontinua ezije nafatin ba Tribunal Rekursu tenke selu.
“Ami
bele hatete ona katak, la kleur, kompañia sei ba Tribunal Rekursu atu lori
dezeñu, hodi husu pagamentu,” haktuir iha karta aberta ne’e. No hatutan,
kona-ba moru haleu Tribunal Baucau, ne’ebé monu. Prezidente Tribunal Rekursu fó
ba nia alin rasik maka hadi’a.
Iha
karta aberta ne’e mos deskreve tender ba sosa komputador, Prezidente Tribunal
Rekursu fó ba kompañia ne’ebé aprezenta folin a’as ho total US$ 43.750.00
(laiha garantia). Inkuantu tuir lista ne’ebé staff sira aprejenta ba Prezidente
Tribunal Rekursu kompañia rua seluk ida ho total US$ 37.000,00 (garantia tinan
ida) no ida seluk ho total US$39.000,00 (garantia tinan ida).
To’o
iha prosesu pagamentu, staff sira lakohi selu kompañia tanba haré iregularidade
seluk ne’ebé kompañia halo tan maka ezemplu adaptor ida iha merkadu ho kustu
US$115, kompañia tau iha invoise US$ 350,00.
Maske
nune’e, tuir karta aberta ne’e haktuir, Prezidente Tribunal Rekursu aprova ona
orsamentu hodi halo ona pagamentu.
Iha
karta ne’e mos deskreve preokupasaun kona-ba rekrutamentu funsionáriu iha
Tribunal Rekursu ho total ema 20, maibé Prezidente Tribunal Rekursu uza nia
poder hosi hatama nia ema hamutuk 16.
Nune’e
mos iha rekrutamentu tuir tan ho total ema 40, Prezidente Tribunal Rekursu
hatama nia ema nain 20 inklui nia subriñu rasik ne’ebé iha hela Indonézia tama
la liu hosi prosesu selesaun.(max)
Timor
Post
Sem comentários:
Enviar um comentário