GOVERNU TENKE REDUS IMPORTASAUN FOS

Diretur Luta Hamutuk Mericio Akara informa husu ba Governu tenke redus importasaun fos husi Vietman.

“Ami sempre dehan diak liu hahu redus ona importasaun  fos husi rai liur,  tanba fos ne’ebe maka ita nia governu importa husi vietman laos ita ema maka atu han maibe atu fo han ba animal sira,”informa diretur ezekutivu Luta Hamutuk ba JN-Diario iha CCD, Kuarta (3/8).

Tuir nia katak, Governu tenke hasa’e produsaun iha rai laran, tanba Governu nia promesa rasik katak povu kuda Governu sosa, governu tenke tau matan ba prosesu ne’e rasik.

Tanba ne’e, Governu mos tenke hare, distribui oinsa aloka ba ne’ebe  ba se produsaun rai laran Governu maka tenke hare didiak buat sira ne’e se bele governu tenke dezenvolve.Ety

Jornal Nacional