“Terrível tebes”, tenik Papa: “hodi hatete katak labarik maka bele hili sira nia jéneru”

Francisco informa  katak  koa’lia ona  assuntu ne’e ho Bento XVI ne’ebé  deskreve  tempu ida aktuál hanesan “époka sala nian kontra Deus kriador”.

Papa Francisco kritika maka’as ho naran “ideologia do género”, iha konversa ho bispu polako sira ne’ebé loron 30 Jullu liubá, molok hosik hela  Polónia ne’ebé partisipa Jornada Mundial Juventude nian, maibé transkrisaun fó sai hosi Vatikanu semana ida ne’e deit.

Francisco klassifika ideolojia  – ne’ebé defende katak  identidade maskulina ka labarik feto sira sai  independente iha faktór biolójiku, karik mane ida deside katak ne’e feto ida , no vise-versa, tenki tratadu hanesan ne’e – hanesan kazu “kolonizasaun ideolójika”,ida implementa iha nasaun hosi  organizasaun balun no nasaun riku sira, maski laiha ninia espesifisidade.

“Ohin loron, iha eskola sira, hanorin ida ne’e ba labarik, – labarik sira! –ne'ebé maka kada ida  bele hili nia  jéneru”.

“Ne’e terrível”, hatutan Papa, hodi hatete moos katak “Ita moris iha tempu ida anikilasaun mane nian enkuantu Ilas Maromak nian”.

Papa hatete ba bispu polako sira katak koa’lia ona kona-ba assuntu ne’e ho nia antesessór, Bento XVI – “katan di’ak, no akontese iha agora” – ne’ebé maka Papa emérito klassifikadu tempu aktuál hanesan “époka sala nian kontra Deus kriadór”.

“Nia ne’e matenek! Maromak kria mane no feto, kria ona mundu ho forma hanesan ne’e, no ita halo kontráriu fali”, konklui Francisco.

Dezde hetan  eleitu, Papa dalabarak kritika ideolojia jéneru no  laós maka badahuluk  ne’ebé  klassifika ezemplu hanesan “kolonizasaun ideolójiku”.

SAPO TL ho Renascença