DILI
- Primeiru Ministru (PM), Rui Maria de Araújo, afirma, sidadaun hotu iha
direitu atu foti desizaun ba vota no la vota, maibé ba sira ne’ebé la vota ne’e
lakon ona oportunidade.
“Lei
la obriga katak, votasaun ne’e la’ós obrigatóriu, mas hanesan sidadaun ita la
vota, ita lakon oportunidade atu ejerse direitu ida ne’ebé atu hili líderes
sira ne’ebé moris hamutuk iha komunidade sira nia le’et,” PM Rui ba jornalista
sira hafoin tuir votasaun iha sentru votasaun, suku Acadiruhun, Aldeia Bedik,
Postu Admistrativu Na’in Feto, Munisípiu Dili, Sábadu, (29/10).
Xefe
Governu hatutan, lei sira iha loke ona dalan ba eleisaun, sidadaun hotu-hotu
lolo’os tenke partisipa iha votasaun ne’e, tanba lideres
komunitáriu sira mak lor-loron servisu ho komuniade atu bele muda
situasaun iha komunidade nia leet iha nivel aldeia no suku sira.
“Ha’u
nia hanoin prosesu eleisaun suku ida agora iha inovasaun lubuk ida hosi prosesu
kandidatura to’o prosesu eleisaun, se ita haré didi’ak kandidatura
nakloke maka’as, ita haré kandidatu barak mak halo sira nia kampaña
programa ba komunidade sira”hatete PM Rui.
Iha
prosesu ne’e iha buat rua mak mosu maka’as, kuandu kompara ho eleisaun suku
sira seluk ladun haree buat ne’ebé mosu iha eleisaun ne’e, tanba iha eleisaun
ne’e kandidatura joven feto no mane barak los.
Ne’e
hatudu katak dinamika foun ida iha demokrasia Timor Leste nian, tanba joven
feto no mane hatudu interese maka’as atu sai lider iha sira nia komunidade
rasik.
Hosi
pontu de vista organizasaun ba eleisaun ne’e kompara ho tinan sira uluk, ESTAE
anivel nasional mak organiza hodi halo eleisaun sira ne’e bele la’o , maibé
eleisaun ida agora governu fob a autoridade munnisipais sira, administrative no
xefe suku enjersisiu mak organiza prosesu sira ne’e tomak no ESTAE fo
apoiu tekniku.
Depois
Comisaun Nasional Eleisaun (CNE) ejerse sira nia funsaun atu halo superviziona
hodi haré prosesu sira ne’e tuir ona lei kalae.
Entaun
prosesu ne’e avansu, se ita akompaña VI governu konstitusional dudu prosesu
deskonsentrasaun admistrasoes munispais sira, eleisaun ne’e hanesan teste ida
ba admistrasoes munispais sira.
Tanba
semana tolu liu ba governu sentral hahú entrega poder ba iha munisípiu
sira, portantu eleisaun ida agora hanesan teste ka exame ida ba primeiru
ba admistrasaun munispais sira nia kapasidade oinsa mak bele organiza eleisaun
iha anivel suku.
Se
kompara ho eleisaun anteriores haré katak iha prosesu lubuk ida mak
avansa ona ba oin.
Entretantu
Xefe Suku Lahane Oriental, Postu Admistrativu Na’in Feto Munisípiu
Dili, Fernando da Cruz hatete, eleisaun suku tinan ne’e komunidade barak
mak ladun komprende kona-ba prosesu eleisaun.
Tanba
eleisaun suku ne’e, kandidatura ba xefe aldeia no delegadu feto no
fotografia la iha, entaun komunidade sira la komprende di’ak atu hili ema.
Nia
lamenta ho servisu STAE nian, tanba sosializasaun mínimu liu, entaun
komunidade sira mos la hatene prosesu eleisaun suku.
“Ha’u
hanoin eleisaun suku tinan ne’e bele la’o di’ak, mas fallansu sei iha
barak,” hatete xefe suku ejersísiu ne’e.
Nia
hatete, sentru votasaun iha suku Lahane Oriental iha fatin ha’at fatin ida iha
Ensinu primaria númeru 5 Aituri Laran, Ensinu Primaria Mota Ulun, Eskola
Amigu de Jesus no Sentru Juvinil.
Aldeia
13 iha suku Lahane Oriental, Aldeia 4 partisipa eleisaun iha Ensinu Primaria
Mota Ulun, Aldeia 4 iha eskola Primaria númeru 4 Aituri Laran, aldeia ida
iha Sentru Juvinil no Aldeia 4 iha Eskola Amigu de Jesus.
Total
populasaun agora atu tuir votasaun hodi hili sira nia lideransa hamutk 7431,
ne’ebé hosi númeru ne’e garante katak bele mai vota hotu.
Entretantu
suku Lahane Oriental, Pakote hamutuk 10 mak kompete iha eleisaun suku tinan
2016 iha feto 2 no mane 8. (gus)
Timor
Post
Sem comentários:
Enviar um comentário