D’Academy Asia 2. Maria Vitoria / Lola Cansio

D’Academy Asia 2 Top 24: Maria Vitoria sei Hahu nia Atuasaun Ohin Kalan, 05 Novembru 2016

Salvio Online, Konsertu ba faze Top 24 husi D’Academy Asia 2 sei hahu ohin kalan, 5 Novembru 2016. Husi Timor-Leste, Maria Vitoria sei hahu nia atusaun hodi hananu muzika ho titulu Muara Kasih Bunda.

Maria Vitoria, kontestanti husi Timor-Leste nebe hakerek nia istoria iha D’Academy Asia 2 hafoin nudar artista Timor Oan dahuluk nebe hakat ba faze Top 24. Maske muzika dangdut nudar genre foun ba nia, maibe nia bele aprende ho lalais no konsegue hatudu atusaun nebe diak iha Show 1 no Show 2.

Komentador sira, iha momentu neba gava teb tebes Maria Vitoria nia karakter vokal, nia vocal power, nia expresaun, no dinamika iha palku leten.

Hein kata Maria Vitoria kontinua hatudu nafatin atusaun diak iha atusaun ba ohin kalan no bele hetan pontu husi juri sira.

Salvio Online

D’Academy Asia 2 Grupu F Resullt Show: Maske Hatudu Atuasaun Kapaz, Lola Cansio Mos Tersenggol

Salvio Online, Lola Cansio, kontestante ikus iha D’Academy Asia 2 Top 36 nebe ‘tersenggol’, hafoin la konsegue hetan pontu sufisiente.

Lola Cansio nia atuasaun iha Show 1 fo impaktu makaas ba rejultadu final. Iha Show 1, Lola la konsegue hatudu atusaun nebe tuir espetativa nudar artista famozu ida iha Timor-Leste, no hetan komentariu negativu husi komentador sira.

Iha Show 2, Lola Cansio konsegue hatudu mudansa signifikativa no hetan fali komentariu pozitivu balu ba nia atuasaun, maibe pontu kiik oan liu nebe nia hetan iha Show 1 fo impaktu makaas ba rejultadu ikus.

Hafoin halo akumulasaun entre pontu nebe Lola hetan iha Show 1 no Show 2, artista husi Baucau nee la konsegue hetan pontu nebe sufisiente, tan nee tenki ‘tersenggol’ no remata nia perkursu iha D’Academy Asia 2.

Ita hotu hein katak falha iha D’Academy Asia 2 sei fo motivasaun boot liu tan ba Lola Cansio ho nia kolega sira seluk nebe mos ‘tersenggol’ ona, hanesan Jerry Kong, Dora Bria no Marcos Araujo, atu bele hadia sira aan diak liu tan ba kompetisaun seluk nebe sei mosu mai iha futuru.

Salvio Online

PARSERIA TIMOR AGORA HO SALVIO ONLINE - Lee liu