Konfrontu maka’as entre polísia no manifestante islamita sira iha Jakarta

Manifestasaun ida ho islamista tokon-ba-tokon ne’ebé hala’o horisehik iha Jakarta, hasoru governadór kapitál, tanba akuza blasfémia, hakotu ho konfrontu maka’as entre polísia antimotim ho partisipante ne’ebé lakohi atu sai hosi fatin refere.

Polísia so’e granada gás lakrimojéneu no uza kañaun bee, hodi duni manifestante sira ne’e balun, inklui sira ne’ebé sunu kareta polísia nian rua horisehik lorokraik, tuir ajénsia AFP, iha fatin refere fó sai. 

Akontesimentu oioin maka akontese iha palásiu prezidensiál nian, hafoin hakotu protestau ne’ebé konvoka hosi Frente Defensór Islaun sira (FPI) no fó sai hanesan pasífiku. 

FPI akuza governadór Jakarta, Basuki Tjahaja Purnama, ne’eb´foin daudaun insulta/hateten at ema Islaun, hanesan kristaun ida ho orijen xinés. 

Tuir polísia, ema besik 50.000, maka sai ba Estrada hafoin halo tiha orasaun loron sesta-feira no maioria maka fahe-malu molok manifestasaun ne’ebé hetan de’it autorizasaun to’o tuku 18:00, remata. 

Maibé iha fali parte kalan, radikál rihun resin maka hahú halo atake hasoru polísia. 

Polísia no militár besik 1.8000 maka halo mobilizasaun atu labele hamosu akontesimentu seluk ruma, maski iha tempu hanesan fó sai mos apelu hodi halo vijilánsia ba iha área embaixada hothotu iha kapitál Indonézia. 

Governadór ne’e koñesidu ho ninia maneira ko’alia, tanba konsidera insulta Islaun, liu hosi deklarasaun ne’ebé fó sai iha fulan setembru nia rohan, tanba tuir ulema (teólogu musulmanu sira) balun haktuir katak bazeia ba versíkulu Alkoraun nian ida, ne’e lalos, tanba tuir lolos musulmanu ida maka bele sai hanesan dirijente musulmanu nian ida. 

Haree ba polémika ne’ebé bot hosi fundamentalista islámika nian sira, maka governadór Ahok, husu ona deskulpa públikamente. Maibé ba grupu radikál balun, hanesan FPI – grupu islámika radikál ne’ebé ho adeptu barak iha Indonézia – lamenus. 

Iha manifestasaun dahuluk partisipante besik 10.000 maka konsentra ona iha Jakarta, 14-outubru hasoru kandidatu governadór nian ba reeleisaun iha fulan fevereiru tinan oin. 

Ahok, ne’ebé maka troka atuál prezidente Joko Widodo iha final tinan 2014, hodi ukun sidade refere, hanesan figura ida ne’ebé goza ona popularidade hosi opiniaun públika. 

Apresia ba ninia efikásia iha jestaun capital ho abitante milloens 10, ho tránzitu ne’ebé maka’as, ne’ebé maka dalabarak obra hothotu lala’o tanba de’it burokrasia ne’ebé maka’as no korupsaun. 

Maibé saida maka nia halo, ladun monu ba polítiku sira iha Indonézia ninia laran,tanba hamosu inimizade. 

Grupu islámika radikál buka atu impede ninia nomeasaun iha 2014. 

SAPO TL ho Lusa